قصه كامله
انت في الصفحة 11 من 11 صفحات
ان شاء الله مهند كان كويس معاكي
قلت ليهو مهند مافي احسن منو يا ابوي بس انا الفترة دي دايرة اقضيها معاكم لأنو مشتاقه ليكم شديد
قال لي طوالي دا بيتك يا بتي اقعدي قدر ما دايرة
مهند مشى وخلاني معاهم واليوم التاني جو ناس خالتو ريان قيلو معانا ومشو
بالليل اتصل مهند قال لي اشتقت ليكي والله
قال لي تمام تصبحي على خير يا مرتي الحلوة
بكرا جو ناس خالتو نعمات والنهار كلو قضيتو ونسة مع اسيل
الساعة ٦ جا مهند سلم على ناس البيت و ساقني معاهو بدل نمشي مطعم ولا كافي مشينا البيت الكنا قاعدين فيهو
ليان مهند انا ما دايرة اتطلق بس كمان عندي شروط
مهند اعتبري شروطك مقبولة المهم انك سامحتيني ووافقتي تواصلي معي
ليان شروطي انو لازم نعمل مناسبة من اول وجديد وكل الناس تعرف انو نحن اتزوجنا المناسبة تكون بعد شهر تحديدا من الليلة والفترة دي ح اقعد مع ناس امي ويجهزوني زي كل عروس وبعد العرس عايزة اواصل دراستي لحدي ما اتخرج وبعد داك يحصل خير
مهند اكيد موافق المهم انو في النهاية حتكوني معاي
ليان تمام اتفقنا
يلا ارح رجعني البيت
قال لي مستعجلة مالك وحضني بقوة وشوق قال لي خليني اشبع منك تاني شهر ما حأشوفك
_
مر شهر وحبسوني حبسة عروس وفي الفترة دي جابو الشيلة
الشهر دا مضى بسرعة وياهو يوم المناسبة جا
وتواصلي مع مهند كان كتير في الفترة الفاتت واتعرفنا على بعض اكتر وحبيتو من اول وجديد .
المهم المناسبة خلصت وما كنت عايزة حفلة ولا زفة. بس عملنا الجرتق في البيت وودعناهم وطلعنا
وحنقعد في بيتنا القديم زاتو وحأواصل جامعة طوالي
مهند كان قاعد فى البيت واتصل عليهو مؤيد اخو وقال انو داليا ولدت الليلة وجابت ولد
كانت ولادة مبكرة عشان كدا تعبت لكن الحمدلله هي تمام والولد تمام
وانا اصلا الايام دي كنت تعبانة وشاكة في حاجة ف دي فرصة كويسة عشان امشي افحص
مشينا واشترينا ليهم هداية ودخلنا باركنا ليها
خليت مهند ومؤيد بتكلمو سوا ومشيت سريع عملت الفحص وطلعت حاامل
جريت لمهند وقلت ليهو بعد تسعة شهور موعدنا نحن في نفس المستشفى دي ان شاءالله . قال لي انتي جاااادة
طلعت نتيجك التحليل واديتو ليها لمن قراها عيونو دمعت عديل
وباسني في جبيني وقال لي ربنا يجيبو بالسلامة وينور حياتنا ان شاء الله زي ما انتي نورتي حياتي
ربي ما يحرمني منكم
النهاااايه
