قصه كامله

ليان اوووف بنات انا مليت
اسيل يا بت بالعكس كمان جو الجامعة طلع حلو شديد والناس راقيين 
ليان ياخ زمن البيوت لسه 
أروى هههههههه زمن البيوت!!! انتي قايلة نفسك لسه في الروضة هههه
ارح ارح زمن المحاضرة بدا. احسن ما نتأخر 
ليان Ok lets go. This pleace is too pooring 
اسيل سيبي الهبل وانشطي شوية راجينا قعاد ساعات

مرحبا انا ليان محمد عمري 19 في السمستر الاول. شايلة احياء وعايزة اتخصص في امړاض القلب لأنو للاسف انا خسړت اختي بسبب الحاجة دي لما كان عمري 3 سنين امي حملت وبعد حصلت الشهر السابع فجأة اتوجعت وقالو خلاص دي الولادة بس لما ولدت طلع عند الطفلة ثقب في القلب وحاولو يعالجوها وحتى سافرو بيها برا السودان بس للأسف اټوفت قبل ما تتم شهر حتى 
امي كانت عايزة تسميها لارين لكن ابوي سماها سعاد. لأنو اصلا كان داير يسميني انا سعاد على حبوبتيلكن امي رفضت واصرت تسميني ليان وابوي وافق وياهو سما اختي سعاد.
ومن المرة ديك امي تاني ما ولدت واكتفت بي انا بس لكن ابوي ما اكتفا واتزوج واحدة على امي زي قبل 12 سنة
وحاليا عندو اولاد منها لكن برضو ما قاطع امي وسكن خالتو ريان قريب مننا وبقا بمشي وبجي من هنا لهنا.
خالتو ريان عندها عبدالله عمرو 6 سنين وتاني في اسلام عمرها 4 وحاليا حامل في الشهر التامن.
ابوي طبعا سما اولادو كلهم على اهلو. مثلا سعاد اختي على حبوبة وعبدالله على جدو واسلام على عمتي وما معروف الجاي يسمو عل منو.
من جهة امي الاهل ما كتار هم اصلا تلاتة بس امي رشيدة وخالتي نعمات وخالي احمد الكبيرة خالتو نعمات عندها بنتين وولدين وبتها اسيل صديقتي المفضلة قرينا سوا من الروضة والمدرسة حتى الثانوي كنا سوا وحاليا الجامعة برضو مع بعض يعني ممكن تقولو حتى اكتر من أصدقاء البت دي بفهمني بدون ما اتكلم مع انو شخصياتنا مختلفة شديد لكن اتفقنا انا زولة هادئة ورايقة وعاقلة ما قصدي امدح نفسي لكن بالجد انا كدا انما اسيل مرحة وشويه متهورة وبتتكلم بصرااااحة مع الناس في حين انا بفضل السكوت وهي نقناقة ووناسة 
المهم اسيل حاليا مخطوبة لكن ما معروف العرس متين لأنو خطيبها سافر دبي لي شغل واحتمال يطول ف هي حتواصل قرايتها لحدي ما يرجع.
لما دخلنا الجامعة انا واسيل لاقينا اروى واروى دي قرينا معاها في الاساس وافترقنا في الثانوي وحاليا دخلنا الجامعة سوا. كنا مشتاقين لبعض شديد وبقينا نتونس ونحكي وخلاص رجعنا اصحاب من جديد واتفقنا انو نكون نحنا التلاتة بس لأنو باقي الناس ما مضمونين عشان كدا احسن نحذر لا بنات ولا اولاد 
صداقتنا كانت حلوة شديد ودايما نحن مع بعض نقرا ونتونس ونضحك 
امتحنا السمستر الاول والحمدلله كلنا طلعنا بدرجات كويسة.
وخالتو ريان ولدت وجابت بنت وانا بقيت بمشي ليها عشان اساعدها وامي طوالي بتعمل اكل بتقول لي اوديهو ليها.
يوم السماية جا وانا وامي مشينا والبت سموها روان مافي زول كان متوقع الاسم دا خاصة انو ابوي هو السماها لكن تستاهل الاسم الحلو دا 
نزلنا السمستر التاني بكل نشاط وبقينا نركز اكتر على دراستنا
مرة نحنا قاعدين وبنراجع كان في مجموعة طلاب قاعدين قريب مننا كانو كتار بنات وأولاد بعد شويه في ولد منهم بقا بعاين لي بطريقة غريبة ماركزت معاهو وواصلت قرايتي تاني لاحظت ليهو لسه بعاين لي 
قبلت على الجهة التانية