قصه مشوقه

يبقى ف مشاكل بينه وبين والدته بسببي مش هستحمل كده ومش هستحمل ابقى معاه واحارب امه والمشاكل ال هتعملها انا معنديش طاقه احارب تاني ي فاطمه مش كفايه بحارب ضد ظلم اهلي 19 سنه انا تعبت ي فاطمه والله
_ سلامتك من التعب ي قلب فاطمه معلش ي مي خير ان شاء الله بس انا عندي سؤال
اسألي
_ انتي برضه بهروبك ده محلتيش الموضوع 

مش عارفه ازاي بس لو بيحبني هيوصلي انا عارفه انها انانيه مني اني محاربش معاه بس انا مش هحارب معاه امه ي فاطمه لازم هو ال هيحارب عشاننا لو بيحبني هيجي ي فاطمه
_ ان شاء الله هيجي ي قلب فاطمه 
خلصت كلامها ولقينا جرس الباب بيرن فاطمه عايشه لوحدها وده ال شجعني اني اجي عندها 
قامت تفتح وانا قعدت اتخيل لو ممكن يحصل زي الروايات ويكون يونس هو ال ع الباب لو يحصل زي الروايات ويكون دور عليا ويدخل دلوقتي من الباب 
لحظه اتنين تلاته ولقيت يونس فعلا هو ال داخل دعكت عينى عشان اتأكد انه هو فعلا بس هو فعلا موجود يونس هنا يونس هنا بجد برفانه برفانه ال مجرد م شميته اتطمنت اتطمنت وفرحت ملامحه هي هي متغيرتش عنيه الړصاص بتبصلي شيفاني شعره بقا اطول دقنه طولت وحلته اكتر واكتر لازم الدقن دي تتحلق لازم نتناقش ف الموضوع ده

دراعه ال معلقه ف الحامل عشان الكسر هو طبيعي اني اشوف حامل دراعه محليه اكتر 
عنيه ال تقريبا بلون الډم من العصبيه عروق رقبته ال شويه وټنفجر إيده 
اتكلمت پخوف _ يونس 
لو فكرت انى لما اتكلم هيهدي ف ال حصل العكس عصبيه زاد واشتدت وده ال اخدت بالي منه لما بصيت لايده وعينها ال كانت رصاصي و اسودت 
اتكلمت پخوف اكبر وانا ع وشك اني اعيط او عيطت بالفعل 
_ يونس
يتبع 
Mai_Sayed 
زواج بالاتفاق 
البارت الاخير
صلي علي رسول الله .. 
ع الرغم من اني كنت ھموت واشوفها حقيقى ھموت بس مينفعش انا مش ناسي انها مشيت وسابتنى حتي لو سابتني بعد م فوقت انا مشوفتهاش يوم م فقت مكانتش اول حد عيني تقع عليه مكانتش اول حد يمسك ايدى وانا فايق مش قادر اتخيل لو مكنتش عرفت اوصلها كنت هعمل اي
اتكلمت تاني پخوف اشد _ يونس
رديت بجمود البسي هدومك ويلا عشان نمشي ي مي
عيطت پخوف _ يونس
زعقت انا قولت البسي هدومك ويلا عشان نمشي ي مي
_ طيب.. طيب انت عرفت مكاني منين
هو انا هعيد كلامي كتير
اتكلمت صاحبتها _ لو سمحت ممكن تهدي انت مش شايف هي خاېفه ازاى اتفضل بس اقعد ع م تهدي
قعدت بعصبيه وسكت وصاحبتها اخدتها ف حضنها وهي قعدت ټعيط بصوت عالي 
مستحملتش عياطها او بصراحه مستحملتش ان ف حد بيطبطب عليها غيري مستحملتش ان ف حد بيمسح ع شعرها غيري شعرها ال اول مره اشوفه وال اتفاجئت من جماله 
مستحملتش حد يمسح دموعها غيرى
حاولت اتحكم ف اعصابي واتكلم بهدوء عشان متعيطش اكتر 
_ تعالي ي مي
صوتها هدي بس لسه دموعها بتنزل بصت لفاطمه وبصتلي پخوف وسكتت
اتكلمت بتحذير _ قولت تعالي ي مي
جت قعدت جمبى وسكتت مسكت ايديها عشان تبطل عياط وسكت 
لحظه اتنين تلاته 
وكانت مي بتقول حقيقي كان نفسي اقرب منها اكتر بس مقدرتش انا زعلان منها جداا انا لسه مش متخيل لو مكنتش لقيتها كنت هعمل اي 
حاولت انضف صوتي واتكلم 
_ يلا ي مي عشان نمشي
ردت وهي بټعيط لا انا مش همشي الا لما تقولي عرفت مكاني ازاي
زعقت _ قولت يلا ي مي عشان متعصبش
عيطت بصوت عالي وسكتت
ردت فاطمه _ طب ممكن طيب تريحها وتقولها عرفت ازاى معلش
رديت بنفاذ صبر هووف تمام
ردت وهي بټعيط _ متنفخش عشان حرام الرسول عليه الصلاه والسلام نهي عن النفخ
حاولت امنع ابتسامتي وانا برد
تمام
اتكلمت فاطمه تانى _ ممكن لو سمحت تقول عرفت مكان مي منين بقا
رديت وانا بتحاشي النظر ليها عشان غض البصر اولا وعشان ال انا عملته ثانيا 
احم هو انا مبدئيا عملت سيرش عن اكونت مي ع الفيسبوك 
ردت مي _ واي علاقه ده بده مش فاهمه
رديت ببرود انا لسه مخلصتش كلامي عملت سيرش لحد م وصلت للاك بتاعها ع فسيبوك وده طبعا من ال information ال انتي حطاها ف وصلت للاك بتاعك ودخلت عليه والحمدلله مكنتيش عملاله lock ف دخلت ع الفريند بتوعك وال الحمدلله برضه مكنتيش عملالهم lock ودورت ع اسم فاطمه لحد م وصلت لفاطمه مكتوب ف الاك بتاعها انها من 6 اكتوبر فقولت ان دي فاطمه ال حكتيلي عنها ف احم يعنى بصي ي آنسه فاطمه هو انا كنت مضطر لكده والله
ردت صاحبتها _ ف اي
احم هكرت الاك بتاعك عشان اوصل للرقم بتاعك ووصلتله وروحت شركه اتصالات عرفت العنوان بتاعك لأنك مسجله الخط ببطاقتك فطبعا عرفت العنوان وجيت
خلصت كلامي وببص عليهم لقيتهم متنحين ومحدش بيتكلم مي بطلت عياط وسكتت وفاطمه فاتحه بوقها باندهاش لحد م فاقت فاطمه وقالت 
_ يعني انت ال كنت السبب ف مشكله الفيسبوك اليومين ال فاتوا
لعبت ف شعري باحراج وانا ببتسم بخجل من ال عملته عشان اوصل لست مي ال مجنناني 
احم ايوه انا حقيقي اسف بس مكنش ف قدامي حل غير ده
ردت مي بعد م فاقت من السرحان ال كانت فيه 
_ وانت عرفت منين اني هبقى عند فاطمه
رديت وانا بتحاشي النظر ليها كرساله مني ليها اني زعلان 
يوم م النور قطع انتي قولتي انها اقرب حد ليكى وانا عارف انك مش هتروحي لأهلك فعملت كده
ردت بعد م رجعت لسرحانها تاني 
_ اهااا
رديت بتحذير طب مش يلا بينا بقا ولا اي
_ تمام 
قامت تجهز شنطتها وصاحبتها قامت معاها دخلو الاوضه وفضلو يتكلمو ع اساس ان صوتهم واطي وكده بس انا كنت سامع كل حاجه اصلا
اتكلمت مي بفرحه باينه ف

صوتها ال وحشني
_ ده برا ي فاطمه يونس برا بجد
ردت عليها ايوه ي قلب فاطمه برا بجد
عيطت _ بس ده زعلان مني زعلان مني اوي
حقه ي مي خلينا متفقين انه حقه انه يزعل وانتي واجبك انك تراضيه
_ هيحصل هيحصل ان شاء الله
ايوه هي دي ميوشا العسل
شويه وخلصوا وطلعنا اخدت منها شنطه هدومها عشان اشيلها ف فرفضت 
_ سيبها عشان دراعك
ملكيش دعوه بدراعي هاتي الشنطه
ادتهالي بزعل بعد ردي عليها وسلمت ع صاحبتها ومشينا 
نزلنا تحت ووقفت وانا معرفش وقفت لي 
_ انتي وقفتي لي
هنستنا تاكسي
_ ونستنا تاكسي لي ان شاء الله
مش انت عربيتك اتفرمت من الحاډثه
_ اه مانا جبت غيرها حضرتك اتفضلي قدامك اهي
اشتريتها أمتي
_ بعد م فوقت بأسبوع
ركبت العربيه وهي منبهره تقريبا ومش عارف من اي 
طول الطريق مش بتكلم ولا ببص ناحيتها اصلا بس واخد بالي منها وهي بتسرق نظرات ليا كل فتره وفتره لحد م كسرت الصمت واتكلمت 
همست _ يونس
همممم
اتكلمت برجاء _ يونس بصلي
رديت ببرود وانا لسه باصص للطريق قدامي 
يعنى ابصلك ولا ابص للطريق
ردت بعصبيه وهي ع وشك انها تبكي 
_ لا بصلي انا ي يونس بصلي انا
مردتش وفضلت باصص قدامي من غير م اتكلم 
لقيتها مسكت ايدي ال ماسك بيها الدريكسيون وبتعيط لحظه واحده وكنا هنعمل حاډثه ركنت ع جمب وزعقتلها 
_ انتي اټجننتي
ردت بعياط وخوف مانا قولتلك بصلي وانت ال مبصتليش
رديت بنفاذ صبر _ بصتلك ها خير عايزه اي
عيطت هو انت زعلان مني
رديت بعصبيه مبرره _ لا خالص هزعل منك لي كل الحكايه انك هربتى وسبتينى خبيتى عليا وانا ال طلبت منك متخبيش عليا حاجه مشيتي كأني مش هجبلك حقك انا امتي مجبتلكيش حقك قوليلي سبتينى أسبوعين عيشتينى ف ۏجع اسبوعين كاملين اني متحبش اسبوعين كاملين موجوع بسببك وعليكى موجوع عشان مشيتي وموجوع عشان كلام امي ليكي أسبوعين عايش ف ړعب ي تري انتى كويسه ولا لا طب ي ترى انتي فين حد مزعلك طيب طب بتعيطى ولا لا طب وحشتك طيب ولا لا أسبوعين كاملين مش بنام ساعتين ع بعض بسبب خۏفي وقلقي عليكى وجايه تقولي زعلان منك لا ي مي هانم مش زعلان منك ولا اي حاجه بقولك ي مي انا فعلا مش عايز اتكلم عشان مزعلكيش مني انا سبحان من مصبرني عليكي لحد دلوقتي
عيطت پعنف انا اسفه
رديت وانا برجع اسوق تاني عشان نروح عشان محتاج أنام فعلا انا اتطمنت عليها خلاص ف محتاج انام جدا 
واسفك مش مقبول وياريت نسكت بقا
مردتش وفضلت طول الطريق ټعيط باصه للشوارع وبتعيط.
وصلنا بيت غير البيت ال كنا عايشين فيه مانا مش هسيبها مع امي ټجرح فيها تاني مهما كان زعلي او ۏجعي منها فهي مراتى كرامتها من كرامتى وۏجعها من ۏجعي وانا كمان بحبها لا انا عديت فيها مرحله الحب يعنى الۏجع الضعف 
انا عارف ان مي مشيت عشان ميحصلش مشاكل بين وبين امي بس برضه كانت تعرفنى وتشوفني هتصرف ازاى مش تسبني من غير حتي م تقولي 
مي مدتنيش حتي حق الاختيار بينها وبين امي لا هي اجبرتني ع اختيار واحد اختيار مش هيريح حد فينا فكان لازم ده يبقى ردى معاها 
ع م وصلنا كانت نامت من كتر العياط ومن ارهاق الطريق 
مرضتش اصحيها حليت الحامل بتاع دراعي من ع كتفي عشان اشيلها كده كده هو متجبس فمش هيفرق لو شيلته شويه 
فضلت ابصلها شويه وانا مش مصدق انها معايا دلوقتي مش مصدق انهاا جمبي حتي لو زعلان منها المهم انها جمبي بشم ريحتها وبنتنفس تحت سقف واحد 
نزلت من العربيه ولفيت عشان اشيلها 
رفعتها ع دراعي وقفلت باب العربيه برجلي وطلعت 
وانا بحاول افتح باب الاصانصير صحيت 
شويه واخدت بالها من الوضع ال احنا فيه او ال هي فيه بمعني اصح
ردت بلهفه ممزوجه بخجل محبب _ يونس نزلنى عشان دراعك
هششششش نامي 
رديت بحنيه ظهرت ليها ڠصب عني ف عيني ال بتبصلها وهي مكسوفه وانا شايلها.
سندت رأسها ع كتفي بين تجويف رقبتى وسكتت 
طلعناا الشقة ال اشتريتها عشان نقعد فيها نزلتها قدام الباب عشان أفتح دخلنا وانا ساكت بدون م اتكلم معاها
اتكلمت بهمس _ يونس
بصتلها من غير م ارد
اتكلمت هو احنا فين
_ ف شقتنا
ط.. طب والشقه التانيه
رديت بحزم _ أحنا معندناش غير الشقه دي اي شقق تانيه منعرفهاش يلاا عشان ننام
طب وفين اوضتي
_ اعتقد ان الشقه زي م انتى شايفه واسعه يمكن أوسع من التانيه كمان ف الأوضة ال تعجبك نامي فيها 
ردت بحزن طيب
دخلت اوضتها وانا طلعت اوضتي وال قعدت فيها من ساعه م خرجت من المستشفي.
صليت الاوقات ال كانت ضاعت مني ف طريق السفر وصليت القيام ونمت صحيت الفجر زى م اتعودت خلال الفتره ال فاتت قومت عشان اصحيها قبل م اصلي لقيتها لسه فاتحه باب اوضتها

وخارجه باين ع عنيها البكا كانها منامتش وفضلت طول الليل تبكي 
دخلت اوضتي اتوضيت