قصه كامله
المهم نزلنا قدام بيت كدا عادي مهند جاب الشنط وقال لي دا بيت خالتي وحنقعد هنا كم يوم لحدي ما الامور تهدا هناك
قلت ليهو كيف يعني تهدء الحاصل شنو
قال لي بعدين بعدين
دق الباب وفتح راجل كبير مهند قال لي دا راجل خالتي سلمنا ودخلنا وانا كنت مېته من التعب سلمت علينا خالتو بحنية كبيرة وكأنو بتعرفني من زمان وكانت قاعدة براها
قالت لى مهند انت عارف البيت صح
قال ليها اكيد. شكرا ليك يلا تصبحي على خير
ساقني ومشينا جزء تاني من البيت كان واضح انو بيت عروس برندة وغرفة نوم وصالة
قال لي حنقعد هنا . دخلي الشنط دي جوه
وااااي انا غاظني غيظة يعني انا الراجل ولا هو كمان بكل برود دخلي الشنط دي جوة والله لو ما تعبانه كان علمتو احترام النساء
دخل مهند وقال لي الليلة الجاكي منو في البيت هناك ومالك ما كلمتيني
ليان ما بخصك الجا منو مش داك بيتي يلا انا بستقبل الناس على كيفي وانت ما ليك علاقة ما براك بتعرف للغتاته وبعدين انت عرفت كيف انو في زول جا
مهند يا بت انتي حياتك في خطړ وانا بحاول احميكي واساعدك انا مش قلت ما تفتحي الباب لأي زول قوة الراس في شنو
مهند ليان افهميني العصابة بتاعت المخډرات الكان بتعامل معاها رامي حاليا بفتشو فيك لأنو انتي فضحتيهم واتسببتي بسجن واحد من تجارهم والي هو رامي عشان كدا كانو عايزين ېقتلوك وعرفو كل حاجة عنك من بيتك لجامعتك لبيوت اهلك وحتى صحباتك وكانو مستعدين يهجمو عليهم في أي لحظة ولما ابوك عرف بالموضوع اقترح على انو اتزوجك ونسافر لكن قلت ليهو كلام السفر ما ببقى لانو كدا حيشكو فيني انا
ليان مهند بالجد شكرا ليك على الانت بتعملو عشاني واسفة لو ضايقتك بكلامي يعني ابدا ما كنت متوقعه الموضوع يطلع كدا. شكرا
مهند مافي داعي للشكر . وانا زاتي بعتذر على سلوكي معاكي . لأنو كنت لئيم شوية
مهند يعني انتي ما بتعرفيني انا ما بفكر حتى اني ائذيك او اجرحك . وكنت مجبور بس الفترة دي عشان ما كان لازم تعرفي حاجة
ليان تصدق انو بس مضى يومين على زواجنا دا حاسه بيها سنة من كترة الاحداث
مهند ان شاءالله ربنا يسهل ويفرجها
ليان آمین يا رب تصبح على خير انا تعبانة
مهند وانت بخير
_
الصباح صحيت وكنت تعبانة ودايخة شديد وحتى ما قدرت اقوم من السرير ناديت مهند جا رفعني
