قصه كامله
الشغل وان شاء الله مافي ضغط كتير عليكم
مهند تمام الحمد لله
ليان انت مكتبك بعيد من هنا
مهند لا
ليان طيب بتحب اعمل ليك شنو في الغداء
مهند اعملي البريحك
ليان بس انا دايرة اعرف انت بتحب شنو وتكره شنو
مهند بحب الهدوء وبكره كلامك الكتير دا ولو سمحتي اسكتي خلاص ولاقومي من هنا
ليان دا جزاي انا البفكر فيك اقعد في هدوءك دا ان شاءالله ينفعك ويغديك ويعشيك
صورتو ورسلتو ليها وقالت لي تمام ولو في طريقة هي عايزة تجي تزورني
قلت ليها طوالي حبابك الف لكن انا زاتي ما عارفة نفسي وين لانو لما جابوني كان بالليل وما ركزت على المكان
الصباح كالعادة شربت الشاي وكل ما اتكلم معاهو يختصرني ولا ما بجاوب اصلا
قال لي الليلة ما تنتظريني للفطور برجع بعد العصر وما تفتحي الباب لأي زول تمام
قلت ليهو كويس. وطلع
وما جبت ليهو سيرة اسيل عشان عارفة حيقول لي قولي ليها ما تجي ويعمل لي منها موضوع احسن تجي وتمشي وهو ما عارف
شربنا القهوة واسيل قالت هي بعد دا ماشه
قلت ليها تقعد تتغدا لكن رفضت طبعا خاېفة مهند يجي يلقاها قاعدة
المهم مرقت وقفلت الباب ورجعت المفتاح مكانو وزي بعد ساعة كدا مهند رجع وكان باين من ملامحو انو معصب شديد مع انو هو الوقت كلو كدا دخل بسرعة وقال لي خلي كل شي من يدك وامشي ستفي شنتطك وارح سريع
قال لي استعجلي مافي زمن للكلام
جريت طلعت شنتطي واصلا ما كان مرقت هدومي منها . شلتها وهو زاتو شال شنتطو وجاب لي نقاب قال لي البسي دا سرريع
قلت ليهو دقايق دقايق الحاصل شنو والبس دا لشنو انت عشان لقيتني بسكت ليك داير تبقيني زي العبدة عندك
لبست وركبنا العربية . وحتى ما سألتو نحن ماشين وين لكن المسافة كانت طويلة وبعيدة شديد وانا اصلا ما بتحمل قعاد العربات كتير وبطني بتطم من ريحة المعطر لكن سكتت واستحملت
كل شويه اكح واعطس واتضايقته شديد والطريق لسه ما داير ينتهي مع انو ما سفر لكن كان بعيد شديد
قال لي مالك في شنو
قلت ليهو مهند
لما شاف تعابير وشي اتغيرت وقف العربية سريع انا نزلت مشيت بعيد استفرغت وطلعت كل الفي بطني مهند نزل جاب لي موية غسلت وشي وسندني وركبني في العربية
قلت ليهو مهند عليك الله خلي القزاز نازل قال لي كويس. اتكلت على الباب ونمت لحدي ما مهند صحاني قال لي وصلنا وكانت الدنيا ليل
فتحت تلفوني لقيت الساعة 9 يعني نحن من العصر داك في الطريق لحد بالليل
كنت جيعانه ونعسانة شديد وبمشي زي السکړانة من شدة التعب
