قصه كامله

وبقيت ما فاهمة حاجة 
قلت ليهو لا والله انا مالي علاقة بالكلام دا كلو واصلا ما متزكرة الحصل شنو غير اني كنت ماشه اقابل ناس الدفعة عشان كان اخر يوم للامتحانات ومشيت وما لقيت زول غير رامي واداني شربت عصير وما عارفة تاني حصل شنو عليك الله صدقني انا بقول الحقيقة . انا ما عملت حاجة دا كلو من رامي 
قال لي ورامي دا حبيبك ولا شنو 
قلت ليهو ما مهم بس عليك الله اتصرف امي بتكون خاېفة علي 
قال لي تمام انا حأستدعي رامي واستجوبو احتمال نطلع منو بحاجة مفيدة 
قلت ليهو مهند انت مالك بتعاملني كدا كأنو ما بتعرفني 

قال لي لأنو انا نسيتك زمااان بس ما اتوقعت اقابلك تاني وخصوصا في موقف زي دا
قعدت في السچن كم يوم مسافة التحقيق 
اسيل واروى جو وقدمو افاداتهم ضد رامي لأنو هو الرسل لي عنوان غلط
الشرطة قبضت رامي وبعد تعب حتى اعترف انو اصلا كان داير يلبسني التهم لأنو بكرهني 
انا طلعت بريئه الحمدلله ورجعت البيت وابوي كان ڠضبان مني شديد وما اتكلم معي 
دخلت غرفتي رقدت واتصل على رقم غريب لكن كأنو بعرفو 
رديت وكان مهند
قال لي حمدلله على السلامه 
قلت ليهو الله يسلمك
قال لي كيفك ان شاء الله كويسة
قلت ليهو تمام الحمد لله 
قال لي خلاص مع السلامه وقفل الخط
آسفه نسيت ما حكيت ليكم عن مهند
لما كنت في أولى ثانوي ظهر مهند في حياتي وارتبطت معاهو لفترة 
هو كان في الجامعة سنتو الاخيرة وكان دايرني شديد ومستعد للزواج 
لكن انا رفضت لأنو ما كنت بفكر في حاجة زي دي في الزمن داك مع اني كنت بحبو
طبعا هو زعل وانفصلنا ومن الزمن داك لا شفتو ولا اتكلمت معاهو .
يوم الجمعة جا واساسا الامتحانات خلصت وحاليا اجازة الحمدالله زاتو ارتاح شوية من الحصل 
قمت نضفت البيت ورتبت المطبخ واستحميت حمام الجمعة 
وقلت لأمي ماشه لخالتو ريان اسلم عليها لي زمن منها وبجي بعد الصلاة بمسافة عشان الشارع يكون فاضي
قالت لي كويس سلمي عليها 
مشيت واصلا كنت محتاجة طاقة إيجابية من الأطفال خالتو قالت لي جيتي في الوقت المناسب كنت دايرة زول يمسكهم لي عشان استحم
مسكت ليها روان والباقيين بلعبو في الغرفة هم برضو شلتهم حممتهم وسرحت لأسلام شعرها وقعدنا نحضر في كراميش 
لحدي الساعة واحدة ونص كدا قلت خلاص بعد دا انا ارجع البيت . صليت ومرقت ومزاجي رااايق وكلو تمام 
لمن قربت من البيت سمعت صوت زغاريت دخلت مستعجلة عشان اعرف في شنو 
لقيت امي ومعاها خالتو نعمات وعمتي وحبوبة وناس الجيران لما شافوني زادو الزغاريت وشغالين العروس جات العروس جات وانا ما فاهمة حاجة وواقفة وعاملة كدا 
امي جات مسكتني وبقت تبكي قلت ليها امي مالك في شنو وديل بزغرتو لشنو 
قالت لي الليلة عقدك يا بتي 
قلت ليها شنو كيف يعني وعقد شنو انتو بتهظرو صح 
قالت لي ابوكي الليلة عقد ليكي الف مبروك 
قلت ليها وبعقد لي بدون ما يسألني ولا معتبرني كأي كرسي او باب في البيت دا 
جريت دخلت غرفتي وقفلت الباب اتصلت على اسيل قلت ليها تجي سريع وكنت ببكي 
جات وحكير ليها وبقت تبكي هي زاتا 
ياخ انا حسيت بالانكسار والضعف لدرجة ماعادية 
شوية كدا ابوي دق الباب وقال داير يتكلم معي
اسيل طلعت . ابوي قال لي الف الف الف مبروووك وان