قصه كامله

وقاعدة اقرا.
قام جا قال لي اسيل لو سمحتي ابعدي شوية 
زحت ليهو شوية قعد
انا اتلفت وقلت ليهو عاين نحن مشغولين ممكن تقوم من هنا 
قال لي انا زاتي عايز انشغل معاكم وعلى فكرة ممكن اساعدكم في الدراسة 
قلت ليهو شكرا ليك ولو صح داير تساعدنا اتخارج من هنا 
قال لي ماداير 
قلت ليهو كويس براحتك. شلت شنتطي وقمت قلت لأسيل واروى لو ماشين ارح نقعد في مكان تاني لأنو هنا في ازعاج 
اروى قالت لي كدى دقيقة خلي يشرح لينا النقطة دي احتمال نفهم منو لأنو نحن من قبيل واقفين فيها
قلت ليها اقعدي افهمي براكي لو لازم اسمع كلام الولد دا عشان افهم ان شاءالله ارسب ولا اقعد معاهو 

مشيت طوالي على البوفيه. ومافي واحدة منهم قامت كل ما اعاين ليهم بلقاهم ماشاءالله مندمجين معاهو بكلو 
بعد كم يوم البنات كلامهم كلو بقا عن رامي دا الولد الشرح ليهم شغالين لي رامي شاطر ورامي بفهم وووالخ
زهجت منهم وقلت كدي اغيب يومين اشوف لو بفقدوني 
وعلى حظي ابوي قال لي امشي اقعد مع خالتو ريان كم يوم وهو بقعد مع امي.
قلت ليهو تمام
ستفت لي شوية ملابس وما حاولت اشيل معاي كتب او ورق نهائي عشان البيت فيهو شفع وما لازم اخاطر
نزلت الشيتات والمحاضرات كلها في التلفون واتحركت
مشيت اتونست مع خالتو ريري وصراحة والله القعاد معاها حلو شديد 
بس الشفع مزعجين لكن عدا ذلك كلو تمام.
طبعا انا اليوم كلو بكون شايلة البابوية العسل ياخ انا بحب الأطفال شدديدد ربنا وا يحرمني من شوفة اطفالي ان شاء الله 
المهم عدو يومين وانا مامشيت الجامعة والله ارتحت شديد وكل شوية اسيل تتصل تقول لي اها لسه ما جاية
قلت ليها بجي بكرا عارفاكي اشتقتي لي اصبري شوية انا زاتي اشتقت ليك بالمناسبة 
مشيت الجامعة والجو كان حلو لأنو عبارة عن شوق وحكايات حصلت في غيابي .
وطبعا انا كنت نعسانة نسبة لأنو امبارح البابوية ما خلتني انوم وساهرت معاها للساعة ٢ صباحا.
دخلنا المحاضرة وانا قلت ليهم دايرة انوم ماشه اقعد في المقاعد الاخيرة
قالو لي نحن دايرين نركز حنقعد قدام تمام 
مشيت قعدت وطوالي رقدت في الدرج 
الدكتور دخل وبدا يتكلم ويتكلم وانا غرقانة في نومي.
كل شوية برفع راسي اعاين مسافة وارجع انوم
بعد شوية رامي رفع يدو للدكتور وقال ليهو عن ازنك يا دكتور عايز اغير مكاني 
الدكتور قال ليهو اتفضل .
قام جا قعد جمبي وانا بقيت بعاين ليهو بأستغراب وحتى مادايرة اتكلم معاهو وواصلت رقادي 
رامي قال لي وينك مختفيه الايام الفاتت دي خير ان شاء الله 
قلت ليهو وانت جادي قمت من محلك عشان تسألني السؤال دا 
قال لي كنت حابي اتطمن عليكي بس
قلت ليهو عاين بلاش دراما معاك خليني انوم ما ناقصاك 
قال لي انتي مالك معي انا عملت ليكي شنو 
في اللحظة ديك القاعة كلها سكتت والدكتور سكت وبقو مركزين معانا 
الدكتور قال لينا عليكم الله واصلو 
قلت ليهو آسفه دكتور بس هو قام من مكانو وجا ازعجني 
الدكتور قال لي عارفة حاجة انتو الاتنين Out وما عايز تبريرات 
طلعنا وكنت ڠضبانة شديد من الولد دا 
ومشيت من جنبو سريع وتاني ما شفتو مشى وين.
شفت بنت قاعدة في البينشات براها شكلها خريجة لأنو كبيرة.
قلت ليها ممكن اقعد معاكي قالت لي اتفضلي طوالي
قلت ليها انتي زاتك مطرودة
قالت لي والله حاسة بصداع ودوخة وطمام ف