قصه مشوقه بقلم رشا منصور

والدموع في عنيا ومش عارفه اقوله إيه كنت عماله احرك رقبتي بمعنى لأ ومش قادرة انطق
نهي وقفت جنبي ومسكت ايدي وقالت يا خبر ده ايدها متلجه اقعدى بسرعه أجري يا ندى اعملي ليمون بسرعه
وسعيد قال ليمون ايه أنا مش مطمن يلا بسرعه نوديها
المستشفي كنت سمعاهم ومش عارفه انطق ولا حاسه بحاجه وفجأة شوفت روح واقفه قدامى فرحانه فيا
وعرفت أنها أكيد هى اللى المسلطه لوثاب علشان يظهرلي بعد ما كنت خلصت منه بقلم رشا منصور
غمضت عيني وحاولت اتواصل معاها وقولت لها أنا مش عاوزة حد فيكم يقرب منهم واللى أنتوا عوزينه أنا هعمله بقلم رشا منصور وفتحت عيني لقيتها قدامى وسمعتها قالت متفقين

وبمجرد ما اختفت حسيت نفسي كويسه وقولت لهم في إيه أنا تمام كل ده يا خالتي علشان فضلتي تأكليني كتير علشان كده أول ما قومت دوخت ع طول
سعيد....
يا شيخه وقعتي قلبي لو ع كدا يا ستي نجوعك ع طول 
حور..... ضحكت معاهم وقولت له يا خبر أنت سايب اصحابك كل ده وقاعد معانا
سعيد..... ايه زهقتي مني ولا بتوزعيني وعاوزينها قاعدة بنات اعترفي
حور.... والله أبدا بالعكس أنا حاسه كأني اعرفك من زمان
سعيد.... طب الحمد لله القلوب عند بعضها
أنا هروح اوزعهم واجيلك الحقوا بقي ارغو شويه بس إياك تجيبوا في سيرتي
وخلص اليوم ما بين ضحك وتهريج وبعدها خالتي أم سعيد قالت له يلا يا سعيد سيب البنات تنام وقوم ع اوضتك وإياك تخرج من اوضتك إلا لما تخبط ع بابك وتعمل صوت الأول لأن حور متعودة تصحي تصلي قيام الليل
سعيد بصلي وابتسم وقال من عنيا بس ادعيلي ربنا يحقق اللي في بالي
نهي ..... لما تحقق ليا اللى فى بالي الأول أنا ساعتها هظبطلك الحوار كله في قاعدة واحدة ايه رايك
سعيد....
لو ع كدا اديله ميعاد بكره يجيب أهله ويجي نقرأ الفاتحه ونحدد الأسبوع الجاي الشبكه ايه رأيك
نهي....
لووووولوووولى يارب يا حور تحصليني في نفس الاسبوع يارب بقلم رشا منصور
سعيد...
هههههه طب يلا ناموا تصبحوا ع خير وفي صحيان من بدري علشان نستعد للضيوف بكره
حور...
مبروك يا نهي لووووولوووولى بصي أهم حاجه كلميه دلوقتي علشان يعرف اهله إحنا ورانا بكره حاجات كتير ومش هتبقي فاضيه تكلميه ونمت وأنا مبسوطه أوى وعماله ارتب كل اللى ورايا في دماغي
وفجأة ظهر ليا لوثاب بشكله الوسيم وقالي وحشتيني يا قلبي يلا بينا أنا مش هسيبك معاهم تاني أنتي هتيجي للعالم بتاعي
حور 
حور... أول ما لوثاب قال إنه هياخدنى إلي عالمه اټفزعت ولقيت نفسي مش قادره افتكر أي آيه في القرآن وهو واقف قدامى وكل شويه نظرة عنيه بتتغير وشكله بيتحول بالتدريج وفى شعر أسود كتير وعمال يطول وبقي عامل زى الغوريلا في جسمها لكن وشه ع شكل كلب أسود وعيون حمراء زى الد م وطالع له قرون فى رأسه عامل زى اللى شوفته في الحلم
وأنا بقيت اترعش ومش عارفه انطق ودموع نازله من عيني ونفسي اصړخ بس مش قادره فجأة افتكرت كلام الملاك نور وهى قالتلي كل ما تستعيني ب ربنا هتلاقي اللى يساعدك مننا ورغم صعوبة النطق بس قدرت أقول يارب يارب كانت طالعه منى ضعيفه ومش واضحة بس حسيت كل ما اقولها أن صوتى بيعلي لحد ما لقيت نفسي بنطق بصوت واضح جدا وهنا تذكرت كل حاجه
وقولت آيه الكرسي وهو عمال يبصلي ويبعد وكل ما يبعد بحس حجمه بيصغر لحد ما خلصت آيه الكرسي كان اختفي وهنا صحيت فجأة وأنا بنهج كأني كنت بجري من حاجه ولقيت الفجر فضله نص ساعه
معقوله أنا نمت كل ده ومصلتش قيام الليل سامحني يارب وقومت علشان اتوضئ ولقيت خالتي أم سعيد صحيت هى كمان وبعد ما خلصنا قعدت اقرء قرآن وهى جمبي بتحفظ وخرج سعيد من اوضته وفضل واقف يبصلنا مخدتش بالي منه غير لما رفعت وشي من المصحف فجأة اتكسفت منه أنا لسه مش متعوده على وجوده لقيت خالتي أم سعيد قالت له
ربنا يباركلي في حور بتحفظني القرآن وقربت اخلص جزء عم كله
وبقيت اصلي بالسور كمان
سعيد....
برافو عليكي يا أمي عارفه لما تكملي جزء عم أنا هجيبلك هديه حلوة اوى
أم سعيد..... هديتي أنك تحقق ليا حلمي يابني
سعيد.....
بصيت ل أمي ولحور وقولت لها قريب جدا أن شاء الله هنفذلك طلبك لأنه من الأول هو طلبي وحلمي أنا كمان
أم سعيد.... الحمد لله والشكر لله يلا اتوضئ علشان تصلي بينا جماعه وحشني صوتك في القرآن
سعيد.... أنا صاحي من بدري واتوضيت وكنت نازل المسجد اصلي بقلم رشا منصور
أم سعيد.... علشان خاطري انهاردة بس وأنا هصحي نهي ع ما تتوضئ يكون آذان الفجر
سعيد.... حاضر يا أمي مقدرش ارفضلك طلب
دخلت أم سعيد تصحي نهي وأنا فضلت بصه للمصحف ومش قادرة أنسي شكل لوثاب لما اتحول بصراحه منظره يرعب. بس قولت لنفسي أنه مقدرش يتحمل ذكر ربنا واختفي المشكلة