نصيبي وقسمتي

قالتلي انك عايزاني 
_ انا مين قالك 
_ ماما ها مش هتقوليلي بتحبي مين 
كتمت ضحكتي_ لا مش هقولك روح ل خطيبتك 
اتعصب_ برضوا هتقولي خطيبتك امال انا جاي لمين ما انا جايلك اهو 
_ وانا مالي وخد الورد اللي انت سايبه ل خطيبتك 
_ انتي هتجننيني ما انا جايبهولك اهو 
_ هو انا خطيبتك 
بصلي بسخرية _ اعتقد مفيش غيرك هنا 
_ لا والله ومين قالك اني هوافق 
_ هتوفقي ڠصب عنك ولو كان على الواد اللي بتحبيه ده انا هنسهولك 
_ ومين قالك اني بحب حد
بصلي بغيظ_امال بتحبي مين 
ابتسمت _ بحبك انت 
حددوا خطوبة احمد طلع انه بيحب واحده من وقت ما كان هنا ولما نزل عرف مكانها وطلب أيدها وقالوا بعد خطوبة احمد هتكون خطوبتنا انا و محمود 
_ يلا انزلي عشان هنروح الخطوبة انا وانتي 
_ طيب و بابا 
_ خالي و مرات خالي مشيوا و معاهم ماما وانا قولتلهم انزلي بقى هنتاخر 
نزلت عنده ولقيته واقف ساند على الباب وبيبصلي بابتسامه ټخطف القلب كان لابس بدله من كتر جماله مش عايزاه يروح الخطوبة والله بس دي خطوبة أخوه يعني 
شافني قرب مني وابتسم وقدم لي ورد ومسك ايدي ولفني
_ ايه الحلاوه والجمال دي كلها 
_ بجد والله 
بصلي في عيوني _ عندك شك انا بحبك 
قلب دق لدرجه حسيت الناس كلها سمعته وبصتله 
_ مش كنت اختك 
_ مين قال انك اختي انتي حبيبتي وخطيبتي واغلى حاجه ليا 
_ من امتى الكلام ده 
_ من زمان بس مكنتش فاهم 
_ وفهمت امتى 
_ اول مره لما كنا في المول مقدرتش اشوفك بتتعاملي مع حد غيري واول ما حسيت بكده قولت ل امي وجيت عشان اتقدملك بس من حظي النحس كنتي تعبانه كنتي زعلانه ليه وقتها 
_ اقولك على سر 
ابتسم _قولي 
_ كنت فكراك هتخطب غيري 
_ حسيتي بأيه وقتها 
_ حسيت اني روحي بتروح مني 
_ بعد الشړ عليكي انا اول ما حسيت انك بتحبي حد زي ما يكون حد خد قلبي مني 
ابتسمت _ يلا نلحق خطوبة اخوك 
_ يلا 
روحنا الخطوبة ووقفنا اتصورنا معاهم وطول الخطوبه وهو عيونه عليا وبيغمزلي قعدت جنب بابا و ماما وبعدها بابا و ماما قالوا هيروحوا ومحمود قالي هنروح مع بعض هما مشيوا وهو قعد جنبي 
_ مكنتش اعرف انه فيه بنات حلوه كده 
بصتله بغيظ_ والله طيب روحلهم 
_ ما انا

________________________________________
جيتلك اهو
_ روح للبنات الحلوه يا محمود 
_ ما انا جتلك اهو يا وعد 
_ انا البنات الحلوه 
_ انتي احلى واحده في البنات كلها 
_ حضرتك بتثبتني
_ والله عيوني مشفتش ولا هتشوف غيرك 
_ انتي فين 
_ في المعمل هكون فين يعني 
_ ايه الصوت الجنبك ده 
_ ده صوت محمد كان بيكلمني 
_ مش كام مره اقولك متكمهوش خالص 
_ محمود احنا في الشغل مينفعش منتعملش 
_ وانا بغير عليكي اعمل ايه 
_ غير عليا زي ما انت عايز بس بعيد عن الشغل لازم يكون في تعامل 
_ انا اكتر مكان بيخليني اغير هو شغلك يا هانم 
_ لا يا حبيبي خلي فيه ثقة بينا اكتر منك 
_ حد قالك انا مش بثق فيكي انا بثق فيكي اكتر من نفسي بس الغيره دي من حبي ليكي 
ايه اللي انت جايبه معاك ده