نصيبي وقسمتي

اتخطبنا 
_ انتوا تستاهلوا كل خير 
_ ربنا يرزقك باللتتمنيه يارب زي كده محمد بيقولك الف سلامه
_ الله يسلمك ومبروك مره تانيه وسلميلي عليه 
_ الله يبارك فيكي يارب انتي كمان تتخطبي للي بتحبيه 
قفلت معاها وعيطت الكلمة اثرت فيا اوي محمود قرب مني 
_ انا عايز اعرف فيكي ايه 
_ ما قولتلك مفيش حاجه يا محمود متدخلش في حياتي لو سمحت 
_ لا هدخل وهدخل اوي كمان كنتي بتكلمي مين 
_ ده محمد و ...انت مالك اصلا بتسأل ليه 
بصلي بضيق _ هو ده اللي بتحبيه و زعلانه عليه
ارتبكت_ ايه مين قالك اني بحب اصلا 
اتكلم پحده _ كنتي بتكلمي صاحبتك و بتقوليلها خطب و هباركلهم و بعدها حد كلمك وباركتيلها وقولتلها سلميلي عليه يبقى هو ده بتحبيه صح 
اتعصبت _ انت اصلا مبتفهمش عايز مني ايه 
صوته هدي وقعد قصادي بحزن _ بتحبيه بجد !
بصتله بدهشه وحزن _هو مين ده اللي بحبه 
_ اللي كلمتيه من شوية 
_ ده محمد زميلي و خاطب وانا عارف انه بيحب خطيبته و شجعته يخطبها ابقى بحبه ازاي بس 
_ امال بتحبي مين قولي 
اتعصبت _ ملكش دعوه وخليك في خطيبتك 
بصلي باستنكار _ خطيبتي مين 
_ مش عارفه روحلها يلا وملكش دعوه بلي بحبه 
اتعصب وطلع بره وانا بصيت مكانه لقيت ورد سايبه هنا كنت هاخد وهطلعهوله اكيد جايبه ل خطيبته بس هو استغرب ليه مش قالوا إنه خاطب لسه هنزل من على السرير عمتي جت 
_ مالك ومحمود طالع من عندك ليه 
_ مفيش يا عمتو محمود ساب ورد خطيبته هنا 
_ خطيبته مين ده جايبهولك 
بصتلها بضيق _ جايبهولي ليه مش يوديه لخطيبته اولى 
بصتلي بعدم فهم _ خطيبة مين محمود مش خاطب 
_ بس اتقدملها 
ابتسمت _ هو فعلا اتقدملها بس لسه محتاجين رائيها
_ بجد الف مبروك يا عمتو 
_مش لما توافقي يا وعد بس صدقيني هعملكم احلى فرح انتوا و احمد ابني 
_ وانا أوافق ليه انا مالي ما يقول اللي بيحبها
_ ما انا بقولك اهو عشان تقولي رايك 
_ يا عمتو قوليلها هي مش

________________________________________
انا 
_يا بنتي اقول ل مين محمود عايزك انتي وبيحبك انتي 
اتعصبت_ لا ده كذاب محمود راح اتقدم لغيري 
_ يا بنتي والله ما حصل محمود طلب ايدك انتي مين قالك كده 
_ ماما قالتلي انك قولتلها 
ضړبت أيدها على رأسها _ اهه قولتيلي لا هي فهمت غلط انا قولتلها ابني بس كان قصدي على أحمد مش محمود الغلط عندي انا انا فكرتها فهمت عشان احمد كان عندكم بس انا حتى بعد ما قولتلها بعدت محمود عندكم بس جه لقاكي تعبانه فمتكلمش وانا جيت النهارده كلمت ابوكي انا و احمد 
بصتلها بتوهان _ بس ازاي محمود كان بيكلم واحد وبيقولها حبيبتي و قلبي 
بصتلي _ امتى الكلام ده 
_ من شوية 
_ لا يا حبيبتي انتي فاهمه غلط انا اتصلت بيه وقولتله اني كلمت خاله وهو مبدأ يا موافق وأنه نسي الورد في المحل يروح يجيبه 
ضحكت وبصتلي 
_ اوعي يكون الزعل ده كله عشان كده يا عبيطه محمود بيحبك بصي انا هخليه يدخلك 
_ يا عمتو لا 
مسمعتش مني وطلعت وانا قاعده مش مصدقه معقول بعد ده كله مش خاطب مش مصدقه نفسي بعد شوية دخل عندي وهو مكشر 
_ ماما