عشق الطفوله بقلم ايمان صالح

ده بيحارب فيه من وقت ما اتخرج ومش عارف يلاقي شغل كويس خدت الحاجات بعد ما استأذن انه ينزل وانا خدت الحاجات بتاعتي ونزلت دخلت شقتنا وانا بفكر فيه رغم كل حاجه بس بحب الوقت معاه جدا 
_ صباح الخير يا ماما 
_ صباح الخير يا فريدة خدي ده وطلعيه ل مرات عمك فوق 
_ ايه ده يا ماما 
_ دي صينية كيكة عملتها دلوقتي عشان اللي انتي عملتيها خلصت طلعيهالها فوق عشان يدوقوها
هزيت راسي وابتسمت بفرحه يارب بس يكون لسه موجود عشان اشوفوا بس وقفت قدام الشقه وخبطت بهدوء فتح يونس الباب وبعدها بصلي وابتسم
_ شكلك لسه قايمه من النوم 

ضحكت_ حقيقي بس ايه اللي عرفك 
_ باين على وشك يا بنتي اوي وبعدين طول عمرك كسولة بتقومي متأخر 
_ لا وانت اللي نشيط اوي ما انت كمان اكيد لسه قائم من النوم 
_ لا طبعا انا قايم من بدري ولبست وهنزل كمان 
بصتله بفضول _ رايح فين كده بدري 
_ عندي ميعاد مع واحد صاحبي يا فريدة بخصوص شغل ادعيلي 
ابتسمت _ ربنا معاك يا يونس ويوفقك ويكتبلك كل الخير 
ابتسم وعيونه لمعت _ اللهم امين بحب دعواتك اوي اه على فكره الكيكه امبارح كانت تحفه سلام يا فريدة 
مشي وانا اتنهدت وعيوني بتطلع قلوب _ قلب فريدة من جوه 
دخلت عند مرات عمي بصتلها وابتسمت 
_ صباح الخير يا مرات عمي 
_ صباح الخير ايه يا فريدة احنا الظهر 
ضحكت _ طول ما انا لسه قايمه من النوم يبقى الصبح يا مرات عمي 
_ طيب يا اختي ايه اللي معاكي ده 
_ دي كيكة ماما عملتها وبعتتهالك تقوليلها رايك 
بصت للكيكة وابتسمت _ طول عمرك امك شاطره يا فريدة مش محتاجه كلام 
_ ما انا عشان كده طلعالها 
بصتلي بتريقه _ اه باين عليكي يا اختي 
ضحكت _ امال فين نور يا مرات عمي 
_ نور جوه ادخليلها
روحت عندها ودخلت وانا مبتسمه لقيتها قاعده بترسم
_ نووور بتعملي ايه 
_ يا شيخه منك لله 
ضحكت _ عامله ايه 
قربت مني وابتسمت _ الحمدلله بس فيه حد يعمل اللي انتي عملتيه ده 
_ بحبك اعمل ايه 
_ ولا حاجه تعالي اقعدي 
قعدت جنبها شوية نتكلم و نهزر بعد وقت سمعنا صوت بره طلعنا بسرعه لقينا يونس واقف وفرحان اوي 
_ فيه ايه يا يونس 
لقيته قرب مننا بفرحه كبيرة 
_ دعواتك جابت نتيجة يا فريدة باركيلي
ابتسمت بفرحه _ ايه لقيت شغل 
رد بسعاده وفرحه وعيونه بتضحك _ ومش اي شغل صاحبي جابلي شغل في شركة كبيرة في المانيا
اول ما قال كده ابتسامتي اختفت و بصيت على مامته لقيتها واقفه زعلانه بصتله بتردد 
_ يعني هتسافر 
بصلي بابتسامه _ ايوه طبعا دي فرصة وانا مصدقت الاقيها
وقتها حسيت بحزن كبير بصتله وهزيت راسي _ تمام 
كنت لسه همشي بس سمعت صوته_ استني يا فريدة 
بصتله وحاولت اكون هاديه _ نعم يا يونس 
بصلي بدهشه _ انتي زعلانه ولا ايه 
_ لا مش زعلانه الف مبروك ربنا يوفقك يا يونس بعد اذنك 
سيبته ونزلت بسرعه وانا بمسح دموعي دخلت اوضتي وعيطت بعد شوية ماما دخلت ورايا 
_ مالك زعلانه ليه 
_ مفيش يا ماما اصل يونس مسافر 
بصتلي شوية وبعدها قالتلي _ يعني مسافر وراجع ولا ايه بعد اسبوع مثلا 
_ لا يا ماما ده مسافر عشان شغل والله اعلم هيرجع امتى 
_ طيب خلاص زعلانه ليه ما انتي شوفتي بنفسك مكنش لاقي شغل كويس الحمدلله أنه لقي 
سكت وروحت غسلت وشي وحاولت انظم نفسي وقعدت مكاني بعد شويه ماما دخلت وقالت عمي عازمنا عنده بمناسبة شغل يونس يعني هنتجمع قبل ما يمشي مكنتش عارفه هطلع ازاي واقعد معاهم انا مش مصدقه اني خلاص مش هشوفوا تاني ده الوقت اللي كنت بروح فيه الجامعه كنت بتمنى ارجع بسرعه عشان اقعد معاه ولما كان بينزل كنت بعد الدقايق عشان يرجعلي تاني بالليل قومت لبست وطلعت انا و ماما دخلنا وقفت مع نور وهي بتعمل الاكل وعملنا الاكل وكلنا مرات عمي كانت زعلانه بس بتحاول متبينش ابنها الوحيد مسافر والله اعلم هيرجع امتى بس برضوا دي فرصة شغل كويسه خلصت اكل وطلعت البلكونه بتاعته كانت كبيرة وحاطت فيها زرع