عشق الطفوله بقلم ايمان صالح

يونس اخبار شغلك ايه 
_ الحمدلله مرهق بس كل حاجه بتعدي يعني 
_ ربنا معاك يا يونس انا خلاص بمتحن في اخر سنه ادعيلي بقى احقق حلمي
ابتسم _ربنا معاكي يا فريدة انتي شاطره وإن شاء الله تكوني احلى معيدة في الجامعه 
ابتسمت وبعدها قفلت معاه 
_ خلاص قفلتي معاه 
_ اه يا مرات عمي قفلت اتفضلي الموبيل 
_ ماشي اقعدي معايا بقى 
_ معلش عندي مذاكره 
_ شوية بس صغيرين وانزلي تكون نور جت من الجامعه 
قعدت معاها وبعدها نور جت و نزلت خلصت فتره الامتحانات وطول الفتره دي كان يونس بيتصل ويطمن عليا و يسأل عليا عشان أكلمه بعد فتره النتيجه ظهرت ونجحت وطلعت الاولى على الدفعه وقتها الفرحه مش سيعاني قولتلهم وكلهم فرحه واتصلت بيونس 

ايمان_صالح
_ أخيرا يا يونس طلعت الاولى على الدفعه 
ابتسم بفرحه _ بجد الف مبروك يا فريدة انا عارف انك قدها عقبال ما تتعيني إن شاءالله
_ يارب يا يونس يارب 
بعد فتره جالي التعين واتعينت معيدة بعدها انشغلت بالشغل اوي عشان الموضوع كان جديد عليا بس الغربيه إن يونس كان بيتصل بيهم ومكنش بيكلمني زي الاول ولا حتى عمي بيبعتلي اروحلهم عشان أكلمه كنت مفتقداه اوي طول اول سنه اشتغلت فيها كان بيكلمهم وأوقات بكلمه بس عرفت أنه الفتره دي مكنش بيكلمهم عشان تعبان اكتر حاجه رخمه هي الغربه وخاصة لما يكون الشخص تعبان يا ترى بيتعامل ازاي مين بيأكله ويخلي باله منه عدت فتره طويله شوية وفي يوم كنت راجعه من الجامعه لقيت نور نازله 
_ فريدة افرحي يونس اخويا جاي النهارده
ايمان_صالح
رديت بلهفه _ احلفي بالله جاي النهارده
ضحكت_ والله جاي النهارده جهزي نفسك عشان نروح نجيبه 
طلعت بسرعه قولت ل ماما وجهزنا و روحنا كلنا المطار واخيرا بعد طول انتظار يونس رجع حبيب القلب رجع على رأي ماما وقفنا على باب المطار وبعدها لقيناه جايب شنطته وقرب مننا بفرحه و مامته و باباه و نور وسلم على ماما وقرب مني وسلم عليا 
_ ازيك يا فريدة عامله ايه
_ الحمدلله يا يونس انت عامل ايه حمدالله على سلامتك
_ الله يسلمك الف مبروك التعين الشغل غيرك باين عليكي 
_ مش فاهمه 
لسه هتكلم لقيت واحده سلمت على عمي و مرات عمي وقربت منه مسكت في أيده _يونس سوري حبيبي اتاخرت عليك 
وبعدها بصتلي _ مين دي يونس
بصتله بدهشه _ مين دي يا يونس 
بصلي وابتسم_دي فريدة بنت عمي ودي ساندي ا 
لسه هيتكلم هي اتكلمت _ انا خطيبته 
_ نعم خطيبة مين يا عسل 
ابتسمت _ خطيبة يونس حبيبتي
بصتلها پصدمه وبرقت _ هي فعلا بتكلم بجد 
بصلها وابتسم _ اه هي خطيبتي 
رديت عليه بذهول _ انت خطبت ازاي و ومن غير ما نعرف 
_ اديكي عرفتي يا فريدة يلا نروح يلا يا ماما 
فعلا روحنا وطول الطريق وانا قاعده مصدومه مش قادره استوعب أنه خطب يعني خلاص كده امال احساسي ايه وانا بكلمه ده قالي انه هيرجع عشاني كانت نور بتكلمني وانا بحاول ابتسم بس مش قادره بجد روحت البيت ودخلت وقفت في البلكونه كنت واقفه وسامعه صوت ضحكتهم وانا بفرقع ماشي يا يونس سيبتني عشان البت الصفره دي 
تاني يوم كنت لبسه عشان اروح ماما بصتلي 
_ متتاخريش في الشغل عشان في مفاجاه
_ مفاجاه ايه دي 
_ اختك هنا هترجع النهارده وهتستقر في مصر 
_ بجد يا ماما 
_ ايوه متتاخريش بس 
هويت راسي بفرحه انا فرحانه انها هترجع واخيرا يعني اختي هتكون معايا كنت ماشيه سمعت صوت يونس ورايا 
_ فريدة 
بصتله بغيظ _ نعم خير 
_ ايه يا فريدة الډخله دي ولا عشان بقيتي معيدة 
_ اها عشان بقيت معيدة فيه حاجه !
ضحك _ لا يستي يحقلك رايحه فين كده 
_ ملكش دعوه روح لخطيبتك الصفره وابعد عني 
_ استني 
_ ابعد عن وشي يا يونس لو سمحت 
بصتله بتحذير فضحك اكتر 
_ انا خطيبتي صفره دي قمر اربعتاشر
_ والله طيب اشبع بيها بقى 
_ متتاخريش النهارده عشان هعمل حفله بمناسبه رجوعي وخطوبتي طيب 
بصتله بغيظ _ امشي يا يونس من وشي يا خطيب الصفره
قال هحضر خطوبته قال ماشي يا يونس يا خطيب الصفره 
طول اليوم كنت في الشغل بس برضوا زعلانه ازاي خطب