اسكريبت كامل

هنا ورايح يالا عشان عندي شغل بالمناسبة شكلك حلو النهاردة
سابني ومشي و أنا ببص علي نفسي وببتسم بطلت ابتسام بسرعة وأنا بخبط علي راسي و بعدها كملت شغل هو كان شغال شوية ويقعد معايا شوية خلصنا و طلعنا اتغدينا وقعدنا نتكلم شوية و بعدها رجعت البيت كلمني لحد ما نام وهو بيتكلم تقريبا! سيبت الفون و أنا قلبي سمح لعقلي بالتفكير ف ليه كل حاجة سهلة كدة! ليه مش حاسة إني خاېفة ليه جه قصادي! طلعلي منين وأنا بفتكر يوم الفرح وببتسم معقول مش هيجي قصادي صدفة!
نمت من التفكير صحيت الصبح ع رنة منه هو وبعدها أية قومت لبست ونزلت كان هو هناك فطرنا و اليوم عدا. بقيت بشوفه كل يوم تقريبا و بنتكلم بقي بيحكيلي تفاصيل يومه لو مجاش بقيت شبه عارفة عنه كل حاجة وهو كمان حبة حبة فكرة إنه مجاش قصادي صدفة بتتلاشي من دماغي وإنه جه ليا عشان كان لازم يجي لكن بيجي ف بالي وبعدين!

جه يوم الايفنت وكل حاجة كانت جاهزة وكانت برقكت زي ما كان مستر شاكر عايز كنت مبسوطة رغم تعبي جدا كان بيصورني وأنا بتكلم بإسم الشركة كنت مبسوطة إنه فخور بيا أو يمكن عشان أنا شايفة دا من نظرته ليا طلع مستر شاكر وسلم عليا وشكرني وانكلم تاني ونزلت روحتله
كل حاجة مظبوطة أوي
عشان كنتي فيها
أنا تعبت اوي ف الايڤنت دا
هو مستر شاكر متعود يسلم عليكي كدة كتير
لا دي او... غريبة بتسأل ليه
يعني عادي بس مش المفروض يسلم يعني كان ممكن يشكرك وخلاص.
ممكن مخدش باله بس هي غريبة فعلا النهاردة بردو بيقولي شكلك حلو اوي صاحبة الايڤنت مش أنا خالص
رد وهو بيجز علي سنانه اممم فعلا!
أه والله هو لطيف بس ف الشغل متعرفش تتكلم معاه كلمتين
رد بنفس الاسلوبشكلك عارفاه اوي
طبعا مش بقالي سنتين شغالة معاه
طب اسكتي
في إيه
قلب وشه مافيش أنا رايح اكمل تصوير لحسن مستر شاكر ف الشغل محدش بيعرف يكلمه
قالها وهو بيقلدني و سابني ومشي وأنا ضحكت على شكله ماله دا
خلصنا و كل حاجة كانت تمام خلص الايڤنت وطلعنا كلنا نحتفل ف مكان برا ونتعشي وهو كان معانا طول الوقت عينه عليا وهو بيبتسم لكن عينه فيها لمعة لمعة ليا! قلبي فيه شعور غريب لطيف دافي من نظرته لكني مش عارفة تفسير دا شرارة لمست قلبي بتقولي حبيتي! رديت عليها ببلاهة واستغراب حبيته! ابتسمت وأنا حاسة احساس إن فيه ايد دافية لمست قلبي ف ليل بارد طط..طب اعرف منين! اتحولت ابتسامتي للجمود لما لاقيت واحدة بتدلع عليه من التيم وبتقوله صورني ي سولي بقي يالا
قومت من مكاني وأنا بروحله وبردد ف سري داء السل اللي يسل شيطانك ي شيخة
معلش ي سسليم عايزاك ف حاجة
استني ي وتين خليه يصورني
قولي لأية تصورك ي سلمي
بس سليم بيصور حلو اوي
وعرفتي منين إنه بيصور حلو اوي
منا عملتله فولو وشوفت تصويره
جزيت علي سناني وأنا ببصله وهو بيبصلي كأنه بيقولي ماليش دعوة
طيب اسيبك تصورها ي سليم
مكملتش كلامي ولقيتها شديته من ايده و واخداه يصورها
ابتسمت بهدوء و روحت اشرب حاجة عشان ميبانش إني! إني غيرانة! لا وأنا أغير ليه براحته أوف لا مش براحته بقي
احم
لفيت لقيته مستر شاكر
لسه هقف
خليكي خليكي إيه قاعدة لواحدك ليه
لا أبدا بشرب حاجة بس
قعد جمبي وهو بيقرب نشرب سوا بقي
بعدت شوية تمام
تعرفي إنك مش بس شاطرة لا وحلوة كمان وشيك
ميرسي ي مستر شاكر
لقيته بيحط ايده