قصه كامله

كذا مره وابوها كان بيرفضه وكان بيكلمه پحده خلي بالك كان في خدامين بيشتغلوا في بيتهم وبيت الشيخ السحر ده اللي انا قلت لك عنه
الدكتور 
ايه شيخ سحر ده ما فيش حاجه اسمها شيخ ساحر الشيخ مش ساحر في فرق بين الاثنين
التمرجي
يا ابني ركز الكلام ده من زمان قبل ما يبقى فيه متعلمين كثير كده زي اليومين دول
الدكتور
ايوه فهمت
التمرجي
بيقول لك هي قطعت الاكل والشرب عايزه تتجوزه واتجوزته ما بين يوم وليله قالوا ان هي مشيت وما نعرفش مشيت راحت فين ولا اتجوزت مين ولا مين دوت لكن ظهرت تاني بعد ما ابوها ماټ بيقولوا شعرها بقى ابيض وطويل ومش بتحط طرحه عليه ولا بتداري نفسها.

الناس بدات تخاف منها بيقولوا كانت رفيعه قوي كان شكلها غريب وكانت دايما ماسكه في ايديها عكاز وكانت مظلمه البيت طول الليل البيت ضلمه ولا حتى في مصباح واحد منور بدات الستات اللي عايزه تعمل اعمال واللي عايزه تسحر سلفتها ولا جارتها بسبب الغيره يروح عندها وبعد كده شويه بشويه وما نعرفش ايه السبب راحت قعدت جنب قبر ابوها قبر كده كبير معمول قبه كبيره
الدكتور 
ياه
التمرجي
ايوه كانت في ايام بتروح فيها هناك وكانوا بيروحوا يطلبوا منها الطلبات بتاعتهم هناك وماټت والناس نسيت الموضوع ده وحد هدي البيت ما فضلش غير البيت دوت وما فاضل غير مصطفى ومراته واخت مراته اللي اتطلقت عشان ما بتخلفش
الدكتور
ايوه فهمت طيب قول لي مين الست اللي دايما قاعده بره بيتهم دي اللي لابسه اسود
التمرجي بثبات
ما فيش حد قاعد بره بيتهم
الدكتوربصدمه
لا الست دي انا شفتها كذا مره وشفتها واحنا داخلين الصبح قاعده بره بيتهم انا افتكرتها جدتهم ولا واحده من
التمرجي
عموما دي حكايتهم كده على التلخيص والسريع يلا بقى نقوم ودلوقتي هنمد لان المغرب قرب نلحق نروح وهشرب الشاي هناك
الدكتور
ادينا جينا لك وقاعدين معاك يا مصطفى عايزه اعرف ايه اللي بيحصل ومش هعيد تاني الكلام واقول لك انا كنت ماسك الولد في ايدي واتبخر
مصطفى
العلم عند الله لكن انا عايز ابني احنا متجوزين من مده وكل مره بتسقط والمره دي الحمل طول وانتم قلتوا لنا انه سبت ومعايا صور اشاعات تثبت اللي كان في بطني مراتي عيل
الدكتور
مراتك كانت بتتكلم معايا وقالت حاجه حد قال لها حاجه او هم نفذوا حاجه عايزه اعرف الحقيقه ولا انت عاوز تتهمني بالباطل.
التمرجي 
مش جديدة عليهم
مصطفى
انت بتقول ايه يا راجل انت
التمرجي
اللي انت سمعته ولو زودت فيها هخلي كل اهل البلد يقوموا عليك
الزوجة بتتكلم پصدمة
قلت لك يا مصطفى احړق الكتب اللي عندك ولا ادفنهم بعيد ما تسيبهمش في البيت وما تفتحهمش لكن انت ما كنتش بتسمع كلامي
التمرجي
ايوه كده قولي
مصطفى وهو باصص للارض
وهتاذينا في ايه شويه الكتب دي
الدكتور
من كلامك كده دي كتب سحر هي اللي بتاذي ازاي تسيب في بيتك حاجه فعلا زي دي بعدين انت جايبها منين
التمرجي
ما قلت لك الحكايه
الدكتور
اسامي الكتب ايه يا مصطفى
مصطفى
كتب كبيره وقديمه موجوده في اوضه هنا ما حدش بيدخل الاوضه دي من سنين طويله البيت ده مش بيتي انا بس ده بيت عيلتنا والاوضه مليانه كتب الاوضه صغيره وضلمه لكن مليانه كتب
التمرجي
ايوه هو بيسأل يعني كتب ايه
مصطفى
كتاب اللؤلؤ والمرجان في تسخير ملوك الجان وشرح العهد القديم وكتاب اسمه منبع اصول الحكمه وكمان شمس المعارف
ده لوحده مشكله انت عارف ان الكتب الاربعه دي مين اللي كاتبهم احمد بن علي البوني ما اعرفش اذا كنت عارفه ولا لا الكتب دي قديمه جدا حتى النسخ اللي موجوده دلوقتي كلها تقليد لكن انت بتقول ان كتب قديمه يعني من النسخ الاصليه
مصطفى
ايوه عارف ولما الدنيا ضيقت عليا كنت بحاول اقرا فيهم ما دي شغلة عيلتنا
الزوجة
مش انت بس يا مصطفى اللي حاولت تساعد
مصطفى
بتقولي ايه يا وليه انت عملت ايه
الزوجة
انا كمان كنت بساعد او ده اللي انا افتكرته
الدكتور
وضحه لي كده يعني انتم الاتنين فتحتوا الكتب دي ده انتم مصوبتكم مصېبه
الزوجة 
ايوه يا مصطفى انا فتحت الكتب ديت وقريت فيها قريت حاجات كثيره قوي
الزوح
قريتي ايه
الزوجة
الكتاب الصغير مش الكتب اللي عليهم عناوين لا الكتاب الثاني دوت اللي تحسه جلد كده لونه غريب لونه بني فاتح
مصطفى
نهارك اسود الكتاب ده بالذات