قصه مشوقه

ولا اي حاجة بس حابة اشوفك سمحة ما تفهميني غلط لبستا فستان تحت من الركبة و اتعطرتا امتثال تلفونا ضړب ردت اتهجمت طيب جاية في الشارع في شنو قالت لي جوني ضيوف و قاالو ما ح ينتظرو ماشين انا ماشة الحقم مع السلامة......... بعد طلعت سمعت صوت الباب قلت يمكن نست حاجة مع فتحت الباب لقيت يزن في وشي واقف على رجولو تفتكرو احساسي كان كيف وقفتا بدون حراك قفل الباب و فضل واقف قدامي و بعاين لي و انا بين حقيقة و حلم شالني و رقدني في السرير و لسع بعاين ليو زي الهبلة قعد جنبي و قالي مافي حمد لله ع السلامة فضلتا ساكتة نضم كتير...... قلت انت نفسو يزن! ضړبني خفيف في راسي قالي اي هو زاتو طيب ارح نعيد المشهد عشان احضنك من الباب رجع خبت الباب فتحتا ليو و حضڼي شديد و قعدتا ابكي پهستيرياا واي واي يا قلبي و اخيرآ الحياة ضحكت لينا ليه ما قلت لي اتعافيت بحبك يزوني يزن انت طويل واصلتا بكى...... بعد شوية حسن جاب لينا اكل اكلنا سوا اكلني بايدو و دلعني و لسع ببكي........ 

ختيت راسي في صدرو و بقيت اتحسس شعرو و اونسو قالي انت معجزة في حياتي تاني بكيت قالي حبيت افاجئك عشان كدا ما قلت ليك كل الاسرة شاركتني و حتى امتثال ابوي جاي بكرة ح ااحضنو من الباب عشان يتفاجئ و يفرح فستانك حلو شكرآ يزن انت عارف يوم جانا سيف شفتك في احلامي حكيت ليزن حلمي بكل تفاصيلو نومنا في احضان بعض للصباح يزن صحا قبلي جهز صينية الشاي و جابا قدام السرير فضل يبوسني و يتعاور معاي لقايت ما صحيت بعد شربنا الشاي رجعنا رقدنا ما قنبنا ساي بس السرير ما كسرناه .. 
صحينا الضهر استحمينا و رتبا البيت جا ابوه ليزن و ناس بيتنا كلهم و حسن عيدنا السيناريو بتاع البكا اتكلمنا مع سيف و مرتو بفيديو كول تمو اليوم معانا و فاتو... 
يومي بصحيني برومانسية و يعذبني عڈاب و رافض ينزل الشغل الا بعد شهر 
... بعد فترة حملتا بتوام و دي اسعد ايامنا بعد يوم اتعافى يزن هسي جا دوري اعذبو ما قادرة اعذبو دا قلبي لمن كنت حامل في الشهر التامن كنت قعدة احسن بنبض او حركة خفيفة في صفحتي مشيت الدكتور قالي عادي عشان قربتي من المستشفى نزلت بيتنا كنت قعدة احكي لامي ابوي جا خاشي سلم علي و قالي ح تلدي تلاتة توام قلت ليو انا حامل بتيمان هسي جيتي من المستشفى قالي قبل ما تزوجي يزن انا استخرتا تلاتة ايام و كل يوم كنت بشوف نفس الحلم كنت في سرير المستشفى و حاضنة ولدين و يزن واقف فوق راسك حاض التالت دا السبب الخلاني اوافق على زواجك.... الله سبحان الله ابوي تعال احضڼي ما قادرة.............. 
رجعتا البيت و خبرتا يزن فرح شديد مرت الايام و جبتا اجمل تلاتة توام فؤاد جواد فاتن اتنين اولاد و بنوتة وحدة ربايتم صعبة امي. رحلت بيتي و اطريت اجمد سنتين... ..... 
ما بعرف اين و كيف و متى!!!! حسن و امتثال حبو بعض و حضرنا مناسبتم انا و عيالي فكيت التجميد و نزلتا الجامعة و يزن اتوظف في شركة........ 
بعد نومتا عيالي دخلت المطبخ اجهز العشا ليزن جا حضڼي من ورا قالي ما عاوز عشا قالي تعالي نعيد الايام الخوالي قبل ماتجينا العصابة دي و تعمل لينا عارض طفيت الغاز................. اسرحو ساي
بسم الله الرحمن الرحيم و لقد نعلم انك يضيق صدرك بما يقولون فسبح بحمد ربك و كن من الساجدين واعبد ربك حتى يأتيك اليقين صدق الله العظيم........ 
الرواية من عمق الخيال الحياة عثرات تحزن اكثر مما تسعد فقط الظن الحسن بالله هو ما يسعد الى الابد
اللهم ارزقنا حسن الخاتمة