قصه كامله
انت في الصفحة 5 من 5 صفحات
تاني
منكرش اني اتعلقت بيك حتى وانا عارفة انك ولد بس خلاص مبقاش ينفع
ليه مينفعش شوفي اي حاجة ممكن ترضيكي وانا هعملها
اللي هيرضيني انا قولته قبل كدا رجعلي ثقتي فيك
اديني فرصة تانية
برضو مش هينفع يا حسام
سكت بصيت في الارض بقلة حيلة معنديش حاجة اعملها
على فكرة انا كنت ببقا مبسوطة وانا بكلمك عيشت معاك ايام حلوة هي دي الحاجة الوحيدة اللي هتخليني اسامحك
ونرجع زي الأول
دي مش هقدر اعملها كان نفسي انها تنتهي بطريقة غير دي لكن دي مش رواية ولا فيلم انا مسامحاك وبشكرك على كل حاجة انت عملتها معايا عن اذنك
قامت وسابت چرح في قلبي لو فضلت طول عمري احاول اعالجه مش هعرف بس مش هنكر انا استاهل كل دا هي دي المفروض تكون نهايتي انا مفكرتش فيها ولا كنت فكرت في صحابي قبل كدا انا فكرت في نفسي وبس انا كنت اناني وكداب وهي دي النهاية المناسبة ليا عشان انا مستاهلش لكن اللي مزعلني اني مش هعرف اشوفها تاني خلاص كدا هي مشيت ومش هترجع طلعت الفلوس عشان ادفع الحساب لقيت الكرسي اللي قدامي بيتشد ل ورا
اتنهدت و ابتسمت معاها خرجت ضحكة منها ممكن افضل اوصف في جمال ضحكتها طول العمر
هتاكلي ايه
اطلبلي على ذوقك
ليه رجعتي
افتكرت الفترة اللي عيشتها من غيرك مكنتش هقدر استحمل فترة زيها تاني
انا...
شششش انا مش عايزة اسمع حاجة انا عارفة اللي انت هتقوله
تفتكر العمر فيه قد ايه عشان الاقي حد زيك وأنا مكنتش محتاج افكر كتير عشان اتأكد انها هي اللي انا عايز اكمل معاها حياتي
لما أنتي عارفة اني ولد ليه بعدتي
ولو مكنتش اعترفت
كنت هختفي تاني بس المرادي مش هرجع
طب ما تيجي نختفي سوا
يعني ايه
يعني يعني انا عايز اتجوزك
ميهمنيش اللي فات من عمري ايه واللي فاضل ليا فيه انا عايشه ليك وأنا بين ايديك أي شئ ميهمنيش اصل كنت ھموت و اعيش عمري ل عنيك
مسامحاني يا ليلتي
مسامحاك كلنا نستحق فرصة تانية يا حسام
كلنا نستحق فرصة تانية طالما احنا بنحاول وفيه حاجة حلوة جوانا لكن انا الحاجة الحلوة بتاعتي هي ليلى فرحة عمري اللي جات عن طريق اكونت فييك
الاسكريبتات متعبة بالنسبالي اكتر من الروايات لكنها مقربة إلى قلبي بجد شكرا لأي حد بيقول في حقي كلمة حلوة فيه روايات بيتم التحضير ليها وهتنزل بإذن الله لكن لما الاقي الدعم اللي يشجعني انزل حاجة اشوفكو في حكاية جديدة
بقلم عمرو_علي
النهاية
أكونت_فييك
