بدر الجمال
المشاعر...!!!
ليخرج صوتها متهدجا مهتزا وقد تمزق ثوب الثبات الذي كانت تغطي به صدئ الألم المرير
وانتي ياللي مفروض أمي مفكرتيش مرة أنا إيه اللي حصلي عايشة ولا مېتة حد لمني من الشارع ولا باكل من الژبالة! بتغطى في الشتا ولا مرمية في الشارع تحت المطره ماصعبتش عليكي ابدا ولا حسيتي بشفقة ناحيتي حتى
انا كنت بدور عليكي يا أيسل بس....آآ...
قطعت كلماتها وهي تنظر نحو طه الذي أصابها بسهام نظراته الحادة المحذرة فقټلت سهام نظراته تلك النبضة في مهدها لتعود زوبه لجفافها وهي تخبر أيسل
بس الظروف كانت اقوى مننا !
الظروف!! الظروف دي الشماعة اللي بنعلق عليها كل حاجة
فتدخل هنا طه يستطرد بتأثر مصطنع لم يكن كاف ليعبث بمكنونات قلب أيسل
احنا دورنا عليكي كتير يا أيسل لحد ما يأسنا !
إنقشعت كل قشرة برود كانت تغطي أيسل لتتناثر بوجهه حينما صاحت فيه پجنون
كداب محدش دور عليا حتى لما أمي راحتلكم الكباريه القذر بتاعكم مارضيتوش تقابلوها
كدابة ماحدش جالنا
حينها تدخلت فاطمة مسرعة مذهولة من ذلك الرجل الذي لا يمل الكذب والمكر والتلاعب
اتقي الله والله العظيم حلفان يحاسبني عليه ربنا إني روحتلكم و......
فقاطعتها أيسل بصوت صلب تزاحمت به جنح المشاعر الهيستيرية المطعونة في الصميم
من غير ما تحلفي يا مامي انا مصدقاكي
الست اللي ربتني استحالة تكون زيكم دي كانت عليا أحن من أي حد مستحيل تكون شيطانة وبتمثل !
فعقدت فاطمة ما بين حاجبيها پألم وبنبرة متوسلة راحت تردف علها تقنعها
ماتروحيش معاهم يا أيسل أنتي بنتي اللي ماخلفتهاش ماتبعديش عني
اقتربت أيسل منها ببطء... لتمسك يدها بكل الحب الحنان والرفق اللذان زرعتهما فاطمة قديما تحصدهم حبا وامتنانا تراهم الان يلمعان بين حدقتا أيسل كنجم أضاء ظلمة ذرك الكون بنوره المتوهج...!
أنا أسفة يا مامي أنا عايزاكي بس تثقي فيا وتحترمي قراري بعد اذنك
لم ترد فاطمة وهي تحدق بها بقلب يقطر لوعة لتنتبه أيسل لبدر الذي سحبها پعنف من ذراعها مغمغما بجمود
تعالي معايا عايز اتكلم معاكي
فسارت خلفه على مضض دون أن تنطق.
صعد بها بدر نحو غرفتها دفعها برفق نحو الداخل ثم دلف خلفها ليغلق ذلك الباب فسألته أيسل بنبرة جامدة
اقترب منها بدر بخطى حادة متساءلا بصوت أجش
انتي اللي في إيه انتي اتجنيتي عايزه تروحي معاهم وعارفه إنهم هيشغلوكي في كباريه!!
هزت أيسل رأسها بنبرة جافية
دي حاجة تخصني
فدفعها بدر للخلف پعنف وهو يزمجر فيها بانفعال عاطفي وجسده كله يشع عڼف
لأ ماتخصكيش طول ما انتي لسه على ذمتي ماتخصكيش لوحدك!
رفعت أيسل حاجبها الأيسر تناطحه بقولها الحاد
لأ يخصني لوحدي وبعدين الورقة اللي بينا ماتديكش الحق إنك تتحكم فيا !!
ضغط بدر على قبضة يده بكامل حتى شعر
أن كل عرق فيه سينفجر حتما.... لا تروقه ابدا فكرة أن تذهب لذلك الملهى الليلي اللعېن حتى وإن كان على سبيل الصدفة.... تلك الفكرة تجعل من صدره چحيم يتلظى بلهب تلك الغيرة...!
إنتي كلك حقي وأي حاجة تخصك حقي
للحظات لم تجد ما تقوله تظل صامدة حتى تتملق تلك العاطفة من حروفه فتشعر أنها اصبحت ورقة على مهب تلك العواطف... حروفها تفر هربا منها ولا تجد سوى تلك الدقات العڼيفة تكاد تخترق صدرها....!
وضعت يدها علىه تبعده وهي تهمس بوهن
بدر لو سمحت ابعد ده قراري ومش هرجع فيه
فاشتدت يداه حول خصرها وهو يستطرد بإصرار وصوت خشن صلب
وانا مش هاسمحلك تروحي معاهم وقرارك ده بليه واشربي مېته!
زفرت أيسل أنفاسها على مهل تحاول تهدئة نفسها ثم قالت والعناد ينضح من حروفها
أظن إنك فاكر أحنا اتجوزنا ليه وخلاص أنا قررت فحضرتك خلاص مش واصي عليا ومش هتقولي اعمل إيه ومعملش إيه
كز بدر على أسنانه پعنف.... يحاول إقناع نفسه أنه يفعل ما يتوجب عليه من أجل إتفاقه مع والدتها اولا ثم من اجل مريم وإنتقامها... ولكن ذلك السبب بمجرد أن يخترق حدود قلبه يذوب ليصبح كزبد البحر...!!
عاد يرمقها بنظرات مهتاجة حادة ثم أردف
فاكر اتزفتنا ليه مش محتاجة تفكريني يا أيسل هانم وعلشان كده مش هسيبك تضيعي كل اللي عملناه في لحظة
ببرود ساخرة
طب كويس ومعلش لو ضيعنا وقت حضرتك الثمين واخدناك من الهانم بتاعتك.
تعالت وتيرة أنفاسه وهو يحدق بها... غاضب.. غاضب ككل خلية
به... غاضب منها... غاضب من تلك المشاعر التي تجتاحه كطوفان فيغرق هو فيه كارها إياه متمرغا بين براثنه اللاوعة....!
نظرت له بتردد قبل أن تسأله وقد حملت تلك الحروف كل تساؤلاتها.. حيرتها... حملت تلك المشاعر المتناقضة التي تمزقها نحوه
أنت بتعمل كده ليه يا بدر
فاندفعت تلك الاجابة التي يلقنها لقلبه مرارا وتكرارا من بين شفتاه
علشان الست الطيبة اللي هيجرالها حاجة تحت دي
إنطفأت ملامح أيسل التي أنارتها شعلة الأمل للحظات في
