قصه كامله
نظام الشغل هنا والتعامل وإن شاء الله يوم والتاني هتلاقي نفسك حبيتي المكان
هزت راسها ومشيوا مع بعض يكملوا .
في الشركه
كنت واقفه في الشركه بلف فيها اشوف اخبارها مريت من جنب مكتب يونس ووقفت قصاده
_عامل ايه النهارده
وقف بارهاق _الحمدلله حضرتك انا كويس
اتكلمت بضيق _ايه حضرتك دي يا يونس انا سجى
_استاذه سجى حضرتك كنتي عايزه حاجه
_بس لسه مخلصش حضرتك
اتكلمت ببرود _مش شغلي انا قدامك ساعة ويكون الورق قدامي
مشيت وانا متغاظه اوي ودخلت المكتب وقعدت شويه واتصلت بيه
_الورق خلص ولا لسه
_قربت اخلصه يا افندم
_خلصه بسرعه عشان عايزاه يلا
قفلت معاه وانا بتوعدله ماشي يا يونس أما وريتك على المعامله دي مش انت عايز تتعامل رسمي !
_اتفضلي الورق اهو
بصتله كان واقف يفرك في عيونه بإرهاق كنت ببصله وانا ندمانه مش كفايه اللي هو فيه بس برضوا بيعصبني اوي !
_تؤمري بحاجه تاني حضرتك
_يا يونس
_حضرتك مقولتليش برضوا محتاجه حاجه انا لازم امشي عشان سايب اختي جايه من المزرعه لوحدها
_اقعد وانا هتصل ب نادر يوصلها
سابني ومشي وانا واقفه ببص بذهول تام هو ده يونس المرح اتغير تماما منه لله عمه والله .
_يونس جهزت ورق الصفقه
_اهه يا استاذه جاهزه
_طيب يلا ندخل عشان مديرين الشركه مستنينا .
دخلنا وقعدنا وبدأ يونس يعرض الصفقه وحقيقي كل مره بيبهرني بشغله خلص وطلع على مكتبه وانا كنت واقفه قدام مكتبي وجه صاحب الشركه التانيه
_شكرا لحضرتك واتمنى تكون عند حسن ظنكم دايما وشغلنا دايما يعجبكم
قرب ومسك ايدي _شغلكم دايما عجبنا وانتي كمان عجباني اوي
شديت ايدي منه بسرعه _انت قليل الادب
_فيه ايه مش بقول الحقيقه انتي فعلا عجباني اوي
_تعالى بقى قولي مين دي اللي عجباك يا روح امك
بصيت لقيت يونس قال كده ومسك فيه ونزل فيه ضړب أمن الشركه جه وبعده عنه بالعافيه وطلعوا المدير بره وهو واقف متعصب
بعد ما طلعوا بره انا بصتله بذهول
_خلاص يا يونس انت متعصب ليه دلوقتي
_متعصب وانتي كمان مش عايزاني اتعصب ده واحد
_انت ضړبته وخلاص الموضوع مش مستاهل
اتكلم بغيظ _مش مستاهل امال ايه المستاهل يا هانم يلا اطلعي قدامي
_على فين
_هروحك ولا عندك راي تاني
مشيت وانا اول مره من وقت ما اتعرفت عليه واشوفه كده نزلت من عربيته وهو بصلي
_خلي بالك من نفسك
قلبي دق وابتسمت _حاضر
_سلام
مشي وانا اتنهدت وطلعت وانا بدعي ربنا يصلح حاله ويرجع زي زمان .
نادر كان في المزرعه هو وتسنيم وكان حاطط أيده على الحصان وبيكلمها
_ده بقى احسن حصان عندي وبحبه اوي
_اهه ما انا لاحظت
_لاحظتي ايه
_انك بتحبه اوي وانا كمان حبيته
_عقبال ما تحبيني انا كمان
_ايه
_بقولك ايه يا تسنيم انتي حبيتي قبل كده
_لا
_الحمدلله
_نعم
