ضابط شرطه

جدا يعني الورد ده عشقي كده زي الشيكولاته بالظبط 
خلصت شغل وكنت مروحه لقيته بيتصل بيا 
_مين بيرن عليكي يا وفاء هو 
هزيت راسي _اه هو 
_طيب ردي عليه بسرعه 
_يا اختي اتنيلي 
بصيت للموبيل بضيق ورديت 
_الوو 
_وحشتيني اوي 
_نعم 
_ايه روحتي ولا لسه 
_في الطريق اهوو 
_ايوه كده شطوره وبتسمعي الكلام 
_هو انت فاكر اني مروحه عشانك انا خلصت شغل اصلا مش محتاجه تعليماتك
_انتي ايه بتحدفي دبش على طول مفيش كلمه حلوه 
_لا عايز حاجه 
اتكلم بضيق_مش عايز منك حاجه سلام عندي شغل 
قفل الموبيل وبعدها چنى اتكلمت
_ايه يا بنتي هو فيه كده ما تردي عليه عدل 
_انا اعمل ايه يعني 
_يا بنتي ده جوزك ردي عليه كويس 
_وهنطلق 
_هتطلقي ! ده انسان كويس ده كفايه انه ظابط شرطه 
_مش هتفرق معايا وبعدين انتي زعلانه كده ليه 
_زعلانه عليه وعلى حظه والله ربنا وعده بيكي 
_يا بنتي مش راضيه تفهمي ليه انه جوزنا مؤقت 
_وليه متكمليش معاه هو ده يتساب
_اه عادي يتساب !
اتكلمت بخبث_طيب بقولك ايه ما تكلميه عليا 
رديت پحده _وده ليه إن شاءالله
_يعني ممكن يخطبني ولا حاجه 
_ نعم ! يخطبك ازاي وهو متجوزني 
_مش قولتي مكتوب كتابكم وهتطلقوا 
_اه وبعدين انتي مالك يا رخمه
ضحكت بصوت عالي _شكلك بتغيري عليه جامد 
_والله انتي بارده انا ماشيه سلام 
كانت وصلت عند بيتها وانا كملت طريقي وكنت قربت اوصل البيت لقيت حد بيشدني من ايدي سحبت
ايدي بسرعه ولسه هزعق 
ابتسم_ايه ايه ده انا 
_انت ازاي تمسك ايدي وتخضني كده 
_انا اسف المهم دي طريقه تكلميني بيها 
_هو يعني بص متكلمنيش تاني 
_امال اكلم مين غيرك يعني 
_معرفش 
_لا تعرفي وبعدين اهو انا جتلك لوحدي اهو من غير عربية شغلي 
هزيت راسي وبعدها لقيته حط ايدي في ايده لسه هشده بصلي وهز راسه بنفي
_متبعديش ايدك عني 
_بس 
_من غير بس متبعديش ايدك وبعدين انا عايز اقولك حاجه 
_قول 
_اديني فرصه 
_ازاي يعني مش فاهمه 
_يعني ادي فرصه لعلاقتنا تستمر خليها تكمل 
_بس انت متجوزني عشان شغلك 
هز راسه _لا انا مش متجوزك عشان شغلي دي حجه مش اكتر 
بصتله بتوهان_امال ايه 
إيمان_صالح
بصلي واتنهد وبعدها ابتسم 
_احنا وصلنا يلا اطلعي فوق بقى
بصتله بذهول وبعدها اتكلمت 
_انا 
_انتي ايه 
_ولا حاجه ها يلا انا هطلع 
_استني 
_نعم 
_خدي دي قبل ما تطلعي 
طلع علبة شيكولاته ومعاها ورده وجواب وكنت هفتحه بس هو وقفني
_لا افتحيه فوق يلا اطلعي 
طلعت فوق وانا عندي فضول سلمت على بابا و ماما وبعدها دخلت اوضتي وقفلت الباب حطيت الشيكولاته وفتحت الجواب كان مكتوب 
الروح تميل للي يشبها وجنبها قلب
بصيت للجواب وابتسمت وقلب دق ووشي احمر انا اول مره احس بكل المشاعر دي هو فيه ايه .
سبت الجواب وبدلت هدومي ونمت وبعد شويه لقيت خبط على البلكونه قومت مخضوضه وفتحتها لقيته واقف مكشر 
_مش قولتلك تردي عليا على طول 
_بس انا كنت نائمه 
_ايه مسمعتيش الموبيل 
_تقريبا كان صامت 
_طيب يلا دخليني 
_نعم 
_انتي لسه هتنحي يلا ادخلي 
دخل وقفل البلكونه وبعدها لف في الاوضه وابتسم 
_اوضتك جميله 
قرب من الميك أب بتاعي وبعدها بصلي بدهشه 
_انتي عندك كل الميك اب ده 
_اه ليه 
_بس انتي مش بتحطي ميك اب 
_اه ما انا مش بحط غير في اوضتي 
_بس 
_يعني لو فيه مناسبه وكده 
ابتسم _كل مره بتكبري في نظري اكتر بس متحطيش في المناسبات بقى عشان بغير 
_هه 
قرب مني وحط شعري ورا ودني 
_تعرفي شكلك من غير طرحه اجمل بس الحمدلله انك محجبه 
_ليه 
همس_عشان الجمال ده كله يكون ليا لوحدي ! 
اتكسفت ولسه كنت هرد لقيت ماما بتخبط على الباب شهقت 
_ماما 
ضحك_وماله 
_ماما هتشوفك هنا يلا أخرج 
_لا مش هخرج هو انا بعمل حاجه غلط انتي مراتي 
_انت مچنون يلا أخرج 
_لا 
_خلاص استخبا 
_نعم بقى انا طول عمري ورا المجرمين وانا اللي استخبى دلوقتي
_يا عم يلا اقف ورا الدولاب مينفعش تشوفك 
فتحت