ضابط شرطه

_بابا ابن اختك ده هيطلقني امتى 
_يا بنتي انتوا لسه اتجوزتوا ده انتوا مكتوب كتابكم بس من يومين .
_يا بابا انا مكنتش عايزه الجوازه دي بس عشانك وافقت انه يكون كتب كتاب لحد ما يستقر ويطلقني بعدها 
بصلي شويه واتكلم بهدوء _ وانا عند كلامي يا بنتي بس ابن عمتك لازم يستقر ويكمل شغله وانا قولتلك لو مرتحتيش معاه هطلقك منه 

_طيب انا مش مرتاحه 
_ما هو لسه مخلصش شغله لو كده هطلقك منه على طوول م
_تمام يا بابا 
انا كان مالي ومال جواز القرايب ولا مال شغله انا واحده كانت فرحانه انها سنجل تأكل براحتها من غير ما حد يقولها بتاكلي ليه وانزل براحتي بدل ما حد يقولي نزلتي ليه وارجعي دلوقتي !
كنت ماشيه رايحه الشغل شغلي بعد بيتنا بكام شارع بس فبمشي من بيتنا لشغل مش مستهله اني اركب يعني موبيلي رن وكانت چنى صاحبتي 
_انتي فين يا بنتي صاحب الشغل قالب عليكي الدنيا 
_انا جايه اهو وبعدين ايه الحصل يعني عشان الانتظار ده كله 
_يا بنتي فيه شغل واقف بتاعك وانتي متأخره كمان 
_مش هيحصل حاجه لما أتأخر شويه يعني
_لا هيحصل ولا اقولك مش هتكلم معاكي انتي لما تيجي هتشوفي هيحصل ايه 
هيحصل ايه يعني ما كل يوم بنروح الشغل بدري هتيجي على الكام يوم اللي انا جيت فيهم متأخر ويحصل حاجه 
دخلت المحل هو مش محل واحد هو اتنين بس يعتبر محل واحد عشان جنب بعض اول ما دخلت لقيت حد خبط حاجه في وشي بصيت لقيت صاحب الشغل باصص وعيونه بطلع شرار 
_شكرا يا افندم على بوكيه الورد الجميل ده بس انا مش بقبل ورد غير من خطيبي بس لو سمحت 
زعق _هنهزر !انتي متأخره كل ده فين يا انسه هو كل يوم تأخير كده 
_يا افندم بيتنا بعيد و 
_بيتكم قريب وعشان تأخيرك فيه طلابيه ورد كلها قربت تبوظ شوفي 
_يا افندم استاذ احمد هو اللي مستلم الطلبيه دي امبارح 
_وقالك انه أخته محجوزه في المستشفى ومحتاج حد يكملها حصل 
_حصل يا افندم بس 
_من غير بس اتفضلي ادخلي ولو اتأخرتي تاني اعتبري نفسك اتفصلتي يلا 
إيمان_صالح
سابني ومشي وانا دخلت بكل برود وقعدت انظم الورد وارجعه زي ما كان 
_ها خلصتي ولا لسه يا وفاء 
اتنهدت بضيق _لا لسه يا چنى بس قربت اخلص يعني 
_طيب وسعي كده اكمل معاكي انا خلصت شغلي خلاص
بدأت تشتغل معايا حقيقي چنى من اعز الناس في حياتي دايما قاعده معايا و وبتساعدني وبتدعمني .
خلصنا شغل وقفلنا المحل وكنا مروحين انا وچنى وفجاه عربية بوليس وقفت قدامنا چنى وقفت پصدمه 
_يالهوووي بوليس يلا نجري 
وقفت بلامبلاه_هنجري ليه احنا عملنا حاجه وبعدين ده نائل
_نائل مين !
لسه كنت هرد عليها لقينا نائل وقف قدامنا ومربع أيده بس ثواني هو لابس نضاره شمس بليل ليه
ياربي متخلف 
_انتي ايه اللي اخرك كده يا وفاء 
_لحد ما خلصت شغل 
_انا كام مره اقولك متتأخريش في شغلك كده الوقت أتأخر 
_وانا كام مره قولتلك متقفش قدامي بلبس الشرطه ولا عربية الشرطه انت هتعملي سمعه في المكان !
_ده لبس شغلي على فكره ثم إن ايه مكان دي اللي بتتكلمي عليه !
_وده شغلي برضوا ولحد ما خلصت 
زعق _وانا قولتلك سيبي شغلك ده 
_يعني ينفع انت كمان تسيب شغلك 
_انا راجل وانتي ست 
_ده تخلف على فكره مفيش حاجه اسمها راجل وست 
عيونه احمرت_يعني انا متخلف !
_انا مقولتش كده 
_طيب يلا اركبي عشان اوصلك 
اتكلمت باستنكار _مين ده انت فاكر أننا هركب معاك عربية المساجين دي انت فاكرني مسجونه !
_امال هتروحي ازاي