عشق الطفوله بقلم ايمان صالح

ضحكت وحطيت ايدي في ايده روحنا ناحية عربيته فتح الباب فركبت وهو ركب بحماس وساق بعدها شغل اغنية رومانسيه وكان بيبصلي طول الطريق وهو مبتسم وصلنا كافيتريا ونزلنا دخلنا وقعدنا وبصلي 
_ سوري طبعا 
ضحكت _ اكيد 
طلبلنا اكل وبعدها بصلي بحنية _ تعرفي يا فريدة انا طول عمري بحلم بالوقت اللي هتكوني فيه مراتي وعلى اسمي كنت دايما شايفك ليا مش لحد تاني كنت دايما بحلم وبقول امتى تكبري واتجوزك عارفه لما بقيت ادور على شغل ومش لاقي كنت بزعل اوي وانتي اول حاجه بتيجي في دماغي اني لازم اشتغل واكون نفسي عشان اقدر اعيشك حياه كويسه طول عمرك شايفك جميله و مميزه ومش ممكن تستاهلي غير حياه افضل ليكي عشان كده اول ما جالي الشغل ده فرحت بيه لاني أخيرا هعرف اعمل كيان ليا و السور اللي كنت بنيه بينا عشان اتجوزك هبدا اهده لما أشتغل واتجوزك 

ابتسمت _ انا عمري ما فكرت في ناحية حياتك عامله ازاي يا يونس انا طول عمري شايفه انك ابن عمي حمايتي وسندي طول الوقت وحبيتك عشان انت يونس مش مهم بتشتغل ايه ولا عندك ايه انا المهم عندي انت وبس يا يونس 
ابتسم _ ربنا يخليكي ليا يا قلب يونس بس بعد الكلام ده اقوم وسط الناس ولا اعمل ايه 
غمزلي فضحكت بكسوف ف الاكل وصل وقعدنا ناكل وسط هزاره وضحكه خلصنا اكل وطلب عصير وبعدها طلعنا ركبنا العربية وكان سايق بيها 
_ كده هنروح بقى صح 
غمزلي _ انسي يا حبيبتي تروحي دلوقتي
_ امال هنروح فين 
ضحك _ ما قولتلك من الاول سيبيلي نفسك
لف بالعربية شوية وبعدها وقف في شارع المعز فبصتله باستغراب فرفع أيده باستسلام 
_ بصي انا كان فيه وقت وانا صغير بتمنى اجي هنا وانتي معايا ف اظن احقق حلمي دلوقتي
ابتسمت ونزل ومسكني من ايدي ومشينا شوية وبعدها بصلي 
_ اقفي على جنب هنا وهاجي 
_ رايح فين 
_ ثواني بس 
مشي شوية وبعد وقت رجع كان في أيده شنطه بصتله بفضول 
_ بتاعت ايه الشنطه دي 
_ هقولك بعدين امسكيها دلوقتي ويلا 
خدني وروحنا الحسين جاب دره ووقفنا 
_ الله بحبها اوي الدره هنا جميله 
بصلي وابتسم 
_ عارف يا حبيبي بس والله ما فيه اجمل منك انت يا جميل 
_يوونس 
_ عيونه وقلبه 
ضحكت _ بس بقى عشان بتكسف بجد 
خلصنا وركبنا العربية وهو سايق بصتله 
_ كده افتح الشنطه 
ضحك _ افتحيها يا حبيبي
فتحتها وبصيت كان فستان جميل اوي زي اللي كنت ماسكه فيه ومعاه ميك اب كمان بصتله بذهول
_ انت جبت الفستان ده لمين 
_ هيكون لمين ليكي طبعا يا فريدة 
_ بس انت هتسبني البسه كده عادي وأحط ميك اب
بصلي وغمزلي _ طبعا بس ليا انا و بس في شقتنا يا حبيبي 
وجه ميعاد الفرح و كنت مبسوطه اوي كان يونس عامل الفرح كبير اوي ومن اول ما دخل خدني من الكوافير وهو مبتسم وبيقولي اد ايه انا حلوه وجميله وطول الفرح عيونوا متشالتش من عليا زي ما اكون أعظم انتصاراته اول ما روحنا ودخ
_ جه اليوم اللي بقيتي فيه مراتي قدام ربنا و الناس بحبك اوي يا فريدة 
ابتسمت _ انا تخطيت مرحلة الحب من زمان انا بقى بعشقك يا يونس 
_ ايه رايك نبدأ حياتنا بالصلاه الاول 
دخلت بدلت هدومي واتوضيت وصلينا مع بعض وبعد ما خلصنا مسك ايدي وابتسم _ اوعدك قدام ربنا اني أحافظ عليكي ومش هاجي في يوم ازعلك 
___
بعد إجازة الفرح نزل الشغل وانا كمان كنت في الجامعه واقفه مع الدكتور بجهز ورق الامتحان موبايلي رن فاستأذنت وطلعت 
_ الووو 
_ وحشتيني
ضحكت _ بتهزر يا يونس انا سيباك من ساعة بس 
_ اعمل ايه طيب ما انتي وحشتيني فعلا 
ابتسمت _ وانت كمان بتوحشني دايما ممكن تسبني اشوف شغلي وانت شوف شغلك ممكن !
ضحك_ من عيوني سلام يا حبيبي
قفلت معاه وابتسمت وروحت كملت الورق مع الدكتور وبعد ما خلصت فتحت الوتس لقيته باعت رساله محتواها بحبك اووي ابتسمت عمره ما هيتغير ابدا تاني يوم وهو نازل للشغل بصلي 
_ حاولي متتاخريش في الشغل يا حبيبي
_ انا كده كده باجي قبلك يا يونس 
_برضوا مترهقيش

نفسك انا بخاف عليكي
_ متقلقش يا حبيبي
راسي_ خلي بالك من نفسك
_ من عيوني سلام وانت خلي بالك من نفسك
لبست وروحت الشغل ورجعت وقفت في المطبخ اعمل اكل قبل ما يجي كنت في المطبخ وسمعت صوته 
_فريدة انا جيت انتي فين يا حبيبي
_ انا في المطبخ يا حبيبي تعالي 
دخل المطبخ و
_ ايه القمر ده بتعملي ايه 
_ بعمل مكرونه بشاميل يا حبيبي انا عارفه انك بتحبها 
_ قلب حبيبك تسلملي ايدك 
ابتسمت _ يلا روح غير هدومك لحد ما احط الاكل 
_ ربنا يخليكي ليا يا فريدة انتي عشقي
_ ويخليك ليا يا يونس وتفضل معايا وجنبي دايما وانت كياني كيان فريدة
أنتمي إليك بكل تفاصيلي وارغب في الحصول على جزء من قلبك