الهجينه الفصل الثالث والاربعون كامل
عالي من كتر شده الهوا
عمار ده اسمه دولفين
ضمت حواجبها باستغراب
عمار نوع من انواع الحيتان بس علي صغير شويه
بصت لعمار باستغراب اكتر
عمار لااا ده انتي عايزه مترجم لكل حاجه بس عموما هو حاجه حلوه مش وحشه ابدا
شمس مره واحده بتبص لاقت الدولفين بينط وبينزل تاني في المايه ضحكت وبقت تشاور لعمار بمعني بص بيعمل ايه
عمار من كتر شده الهوا كان بيقرب من من ودن شمس وبيتكلم بصوت عالي عشان تسمعه
عمار هو كده المفروض بيلعب مع السفينه وبيحاول يسابقها
شمس بصيتله وهي مش فاهمه وهو بقي يفهم نظره عنيها قرب من ودنها اكتر
عمار ابتسم لشمس وبقي يدقق في ملامحها شمس اتكسفت وراحت بصت في الارض نظره عمار ليها غييير حرفيا .. وبقت كل شويه ترجع شعرها اللي طاير ده ورا بأيديها عمار شافها كده راح ابتسم ومدلها ايديه وشاورلها براسها حاجه بسيطه
عمار تعاالي .. تعااي نبعد عن الطرابزين شويه
شمس مدت ايدها لعمار ومسكت ايده وبعدوا عن الطرابزين خالص
شمس بتبص لاقت يافطه مكتوب عليها باللون الاحمر كلمه خروج سابت ايد عمار وبقت تبص علي الحروف باستغراب وراحت بصت وراها لعمار وشاورت علي اليافطه
شمس شاورتله براسها كده بمعني انها فهمته
فردت كف ايديها وبالايد التانيه بقت بصباعها بتشاورله علي بطن ايديها
عمار مش فاهمك تقصدي ايه
شاورت علي الكلمه مره تانيه وبقت تبص للكلمه وتقلد الحروف وأكنها بتكتبها
عمار ااااه فهمتك عايزه تعرفي تكتبي زيها
شاورت براسها من فوق لتحت بمعني اه وهي مبسوطه جدا
عمار شمس ده شكل اسمك
شمس سابت ايد عمار وبقت تبص في كف ايديها علي اسمها وابتسمت وشاورتله بأيديها عليه وبقت تشاور مره تانيه علي كف ايديها
شاورت براسها فوق لتحت بمعني اه
عمار ابتسم ورجعلها خصلات شعرها اللي جايه علي وشها ومسك كف ايديها وكتب اسمه جنب اسمها
عمار ده بقي شكل اسمي ع .. م .. ا.. ر
بينطق اسمه بشفايفه ببطىء عممممماااار
شمس حركت شفايفها بالظبط زي عمار ونطقت اسمه من غير. صوت
عمار ايوه بالظبط كده بس لو كنتي قولتي اسمي بصوت كانت هتبقي احسن ..
شمس اتنهدت وبصت في الارض
عمار تعرفي لما كنت في سنك كنت بحس ان الحركات اللي بعملها معاكي دلوقتي دي حركات مراهقين مكنتش بحب اعملها وكمان بتريق عليها .. بس دلوقتي وانا معاكي مش عارف ليه حاببها اوي
هدير كانت واقفه قدام داغر وهي كل شويه تبص علي الباب عشان تشوف ساره جت ولا لاء
هدير هي راحت فين كل ده
فتحت الباب ولاقت ساره ماسكه الخيط والابره وواقفه متنحه مش عارفه تعمل ايه
هدير ساره انتي هنا كل ده مخبطيش ليه
ساره اصل .. اصل
هدير اصل ايه هاتي الابره والخيط مافيش وقت .
هدير اخدت الابره والخيط من ساره وساره سابتها وطلعت علي سطح السفينه
هدير داغر انا جيبت الابره والخيط اهوه هخيطلك الچرح بسرعه
بتبص لاقت داغر قاعد علي السرير ومنزل رجليه الاتنين كده وبيبص في الارض
قعدت قدامه علي ركبها ورفعت وشها وبصيتله بصوت واطي وحنين
هدير داغر لازم اخيطلك الچرح .. لازم نوقف الڼزيف
بصت لداغر لاقت في دمعه نزلت منه ودي اول مره تحصل ان داغر يبكي وانها تشوف دموعه دي ما بتحصلش ضمت حواجبها باستغراب وهي مش مصدقه انها شايفه دموعه
هدير باستغراب داغر .. داغر انت پتبكي
هدير لسه هترفع ايديها عشان تمسح دموع داغر من علي خده راح داغر مسك معصم ايديها بكل ڠضب
داغر وهو دايس علي سنانه انتي السبب .. انتي السبب
