حكايه زوجه الفصل الثامن
انت في الصفحة 1 من 3 صفحات
رواية زوجة محرمه الجزءالثاني
الفصل الثامن
!!! بس حقيقي انت مشكلة يا امير يخربيت عقلك كنت هتعمل ايه في الرجل !!!
لما عرفت انه نصاب قولت لازم يتأدب الاول .
ضحكت نجلاء تصدق يا امير اني نسيت موضوع الجن !!
صدقيني يا نجلاء مفيش حاجة تستدعي الخۏف ولا القلق عارفة انتي لو بطلتي تركزي في الحاجات دي مش هيحصل حاجة .
بيتهيألك يا امير في حاجة في البيت هنا انا متأكدةصدقني .
طيب عموما انا هحاول اشوف حد بيفهم في الحاجات دي بجد مش دجال ونصاب زي الرجل ده .
وفعلا بعد ايام كنت اتعرفت علي شيخ معالج بالقران ولا يتقاضي اي اجر نتيجة علاجه وبيعملها لوجه الله ومساعدة الناس وبالفعل ارتحت له ودخل البيت عندي و قالي مفيش اي جن او ارواح هنا في البيت و حتي انا ونجلاء مفيش اي مس جني فينا ابدا وقال ان الافعال اللي حصلت في البيت دي فعلا افعال جن ولكن الجن مش مقيم معنا في البيت .وطلب مننا قراءة سورة البقرة بصوت مسموع كل ٣ ايام علي الاقل ثم قام بتحصين البيت بالقران .
عدا كام شهر وطلبت تاني من نور ابني انه يرجع البيت لكن رفض و طلب يبقي عند عمته . وعمته وجوزها كانوا موافقين جدا .
وفي يوم وحيد اتصل عليا وبلغني ان سلمي مراته حامل .
كنت هطير من الفرح والسعادة ولما رجعت قولت لنجلاء حسيت انها زعلت ووشها اتغير !!!
سألتها انتي زعلتي يا نوجا ولا ايه
لا ابدا مزعلتش بس كان نفسي احمل انا كمان .
وايه المشكلة يعني ربنا يرزقنا باذن الله كل شئ بأوان .
احنا متجوزين بقالنا حوالي ٦ شهور يا امير ولسه محصلش حمل !!
وروحنا عملنا التحاليل وهناك كانت المفاجاة السعيدة انها فعلا حامل .
مرت شهور الحمل بسرعة وولدت سلمي مرات وحيد ولد والمفاجأة انه سماه. امير علي اسمي .
لما عرفت ضحكت وقولتله مش سميته نور علي اسم ابوك ليه
قالي ما انت بردو ابويا .
ضحكت العيلة كلها هيبقي اسمها نور وامير .
ضحك وحيد اوي وقالي ربنا يخليك لينا وتبقي دايما كبير العيلة .
وبعد اقل من شهر كانت نجلاء مراتي بتولد وولدت بنت .
قالتلي هتسميها ايه
عندك اعتراض اسميها سارة
لأ مش عندي رغم ان اي واحده مكاني هترفض بس انت عارف مش بحب ازعلك علشان بحبك .
وانا احتراما لمشاعرك هسميها هدي علي اسم امي الله يرحمها .
هدي كانت زي القمر شبه مامتها فرحنا بها اوي انا ونجلاء .
بعد شهور نور خلص الثانوية العامة وطلع من الاوائل ودخل كلية هندسة.
وعيشنت انا ونجلاء
