الهجينه الفصل التاسع والثلاثون والاربعون
هيبقي عامل ازاي ..
ياسين وهو دايس علي سنانه وبيتكلم بغيظ عشان كده لازم نتحرك في اقرب وقت
بقلمي ماهي احمد
داغر طلع بره المزرعه خالص
عمار فضل ماشي ورا داغر
وبقي بينادي عليه
عمار داغر ارجوك اقف .. محتاج تجاوبني علي اسئلتي مسك دماغه وهو ماشي ورا داغر اسئلتي اللي هتفرتك دماغي ومش لاقيلها اجابه
داغر وهو حاطط ايده في جيبه وبيبص قدامه علي المايه اسئلتك محيراك مع ان الاجابه قدامك
عمار وقف جنب داغر وهو بيبص قدامه علي المايه عمرى ما كنت فاكر ان ممكن يبقي في حاجه اسمها مستئذب واكون واحد منهم
داغر ما انت عارف اهوه انت مين .. اومال بتسأل ليه
داغر طول عمرى معاشر الذئاب ونفسي اكون منهم .. في حركتهم الخفيفه السريعه وطريقه سمعهم الرهيبه .. وقوتهم اللي مالهاش حدود
اتربيت معاهم عشان مكانش ليا غيرهم .. ومن كتر حبي ليهم كنت دايما بقرا عنهم وانا صغير وازاي اتصرف زيهم
لحد ما وقع في ايدي كتاب اخويا غالب الله يرحمه جابهولي وانا صغير قبل ما امي ټموت واتعمي
عمار بيتكلم عن اي الكتاب ده
داغر عنكم
عمار عننا .. مش فاهم
داغر عن المستذئبين اللي زيك
وفي الاخر اكتشفت انه مش كتاب علي قد ما هو مذكرات مستئذب ..
عشان كده لما اتعاملت معاك في الاول خۏفت .. ومابقيتش مصدق اني شايف منكم حقيقي قدامي
عمار فين المذكرات دي
داغر عندي.. في البيت .. في المانيا
عمار انا لازم اقراها .. ولازم اتعلم ازاي اتحرك زيك ..
داغر انا هنا مش هقدر اعملك حاجه انا هنا مهما كنت بعتمد علي غيري ومابقدرش اتحرك اكتر من كده بره المزرعه لكن هناك وسط الذئاب وفي منطقتي بقدر اتحرك زي ما انا عايز حافظ المكان حته .. حته وشبر شبر
عمار وايه المشكله لما نيجي معاك
داغر ماقدرش .. ماقدرش اخدك معايا .. انا ماصدقت اعيش في امان انا وعيلتي انا من شهرين بس كنت زيك ومشاكل الدنيا كلها كانت حواليا كل اللي هقدر اعملهولك هسيبك تقعد هنا في المزرعه وهاخد جدتي وميرا معايا
بقلمي ماهي احمد
داغر جه يمشي راح عمار حط ايده علي دراعه ووقفه
عمار شكرا علي كل حاجه عملتها معانا
داغر طلع ايده من جيبه وحط ايده علي كتف عمار بابتسامه بسيطه وطبطب عليه اتمنالك حظ سعيد ..
داغر
