القطر قصه كامله
أنا أكتر واحدة بتحب شعرها.. طالع شبه شعر ماما الله يرحمها
_الله يرحمها
_ يوم ما ماټت جت مرات عمي وجابت المقص وقصيتهولي معرفش لكن تقريبا غيرة من أمي.. من وقتها وأنا سيباه يطول تاني ومش بفكه قدام حد أبدا..
طبطبت على رجلي _ من هنا ورايح انتي تعملي اللي على كيفك واللي يخليكي مرتاحة ومبسوطة وبس.. فهماني
أخدت الفساتين ودخلت أوضتي حطيتهم قدامي وأنا بفكر ليه أكون أحلى منهم!! هما حلوين للدرجة دي مكنش الموضوع شاغل بالي لحد ما افتكرت أن يونس هيشوفني ابتسمت وأنا برفع خصلات شعري عن وشي.
بليل لبست فستان تاني وجبت شعري على جنب علشان يبان طوله حطيت مكياچ بسيط خالص علشان ميكونش باين إني بأڤور ابتسمت لنفسي في المراية وأنا راضية عن نفسي جدا ومستنية رأي يونس زي ما بيعلقلي على كل حاجة .. طلعت أشوفه فين!!
في وسط ما أنا بدور عليه في الجنينة سمعت صوته وهو بيتكلم مع حد وقفت مكاني وڠصب عني وقفت أسمع بيكلم مين..
_ أفهم إيه أفهم إيه وأنت راچعلنا من مصر بسنيورة في يديك ويا ترى فعلا أول مرة تشوفها في الجطر ولا كنت تعرفها من زمان
ياخوفي يا يونس يا خۏفي لا تكون تعرف غيرها كتير كمان وأنا جاعدة هنا مش دريانة بحاجة..
_ يا عبيطة بقا أنا هسيب الجمال دا وأبص لبنات مصر
أنا بحبك أنتي وقلبي رايدك أنتي من أول ما كنا لسه صغار.
اتداريت بسرعة قبل ما حد يأخد باله إني بتصنت حاولت أتمالك دموعي لكن نزلت ڠصب عني نزلت وهي بتمسح كحلي اللي اتكحلته في عين كانت شيفاه حبيب
كنت بجري على أوضتي رغم أني مكنتش شايفة قدامي من دموعي لسوء حظي خبطت في ياسين لدرجة إني وقعت عليه..
إيدي كانت على صدره وشعري كله كان على وشه ورغم كدا كان إيديه الاتنين على وسطي ومحاولش يبعد شعري عنه.
قومني _ بعد إكديه تنتبهي وأنتي ماشية..
خلص أخر كلمة وسابني ومشي!! يعني مش ملاحظ الدموع في عيني مش ملاحظ أني بعيط وأن أكيد في حاجة حصلت معايا خلتني أعيط!
وكأن من كتر ما أنا مش مهتمة لوجود ياسين أصلا ڠصب عني اهتميت !
_ إيه دا ياقوت أنتي واقفة هنا بتعملي إيه
انتبهت لوجوده _ كنت داخلة دلوقتي..
جيت امشي فوقفني تاني _ طب استني أعرفك على ورد خطيبتي..
بصيتلها وابتسمت بحب كانت جميلة فعلا زي ما ماما كريمة قالت .. حلوة كدا ووشها حلو وملامحها مقبولة رغم أن بشرتها قمحي شوية.
للحظة حسيت إني أعرفها من سنين وقربت عليها_ إزيك يا ورد
استغربتني لثواني وبعد كدا ابتسمتلي _ ياجوت مش إكديه
ابتسمتلها وهزيت رأسي ب آه _ مبروك الخطوبة.
_ ادعيلنا تتم على خير
نغزته_ البيه رايح يتعلم في مصر وفايتني اهنيه سبع سنين لحالي.. ياريته حتى تمم الخطوبة وحط في أيدي دبلته.
كان باين في عينيها الحب حتى في عصبيتها منه!
شبك إيديه في إيديها ورفع إيديها وهو بيبصلها بحب _ هيحصل..
رغم أنها كانت لسه متعصبة منه لكنها ابتسمت! فرحت لحبهم واتمنيت في يوم أوصل لدرجة دي! 7 سنين بعيد عنها بيشوف من البنات أشكال وألوان ولسه مش شايف غيرها وهي مستنياه وواثقة ومتأكدة أنه ليها .. قلبي فرح وحستني مبسوطة في الوقت اللي عدا من قدام عيني نظرة ياسين في عيني واحنا واقعين على الأرض!
ضحكت _طب هدخل أنا بقا مش عايزة أبقى عزول.
مسافة ما لفيت حسيت براحة كبيرة جدا أن
بابا وماما ربوني صح.. أنا موصلتش إني أحبه.. أنا بس علشان
