مريم الجزء1

لا خلاف عليه وعلى أخلاقه وشغله سليم وصديق ليك قديم عارفينه كويس 
يزيد يعنى اتوكل على الله 
داليا اه يا حبيبى ... ربنا يقدم الا فيه الخير ليك 
مصطفى دى صورتها 
حسن ايوا 
مصطفى مش اوفر يعنى انت حسستنى انها اد كدا مرتين وكمان جميله قوى انت ما بتشوفش والله انا ماعندى مانع اتجوزها 
حسن بغيره انت ها تحب فيها ما تلم نفسك هات الصوره 
مصطفى خلاص يا عم ما تزقش خد
حسن مفيش اى ورق ولا ارقام كله صور 
مصطفى خلاص نستنى بقى الواد الا باعته يرد علينا الاول انا جعان 
حسن أنت ليك نفس تاكل 
مصطفى انا مالى هو انا الا طفشت البنيه وعايز أطلقها.....مش انت الا غبى اوعى كدا وقام يدور على أكل فى المطبخ اهلا ايه الحلاوه دى وطلع الاكل من الفرن وحطه على السفرا 
حسن ايه دا كله 
مصطفى ها اقول ايه غبى وبدء ياكل ومستمتع قوى بالأكل لا انا ها أخد بقية الاكل معايا 
حسن والخدامين الا فى بيت ابوك ما بيعملوش أكل دا حتى عيب يبقى ابن أحمد مهران اكبر مهندس فى الشرق الاوسط يدخل بأكل معاه فى البيت 
مصطفى هههههههه لا عادى احنا ناس بسيطه ماعندناااش خدامين فى بيتنا .... وضړب حسن على ايده وهو بيمد ايده عشان يدوق الاكل الا مجنن مصطفى دا 
حسن اوعى كدا يا رخم ها تاكل لوحدك 
مصطفى نفسك اتفتحت دلوقتى 
حسن الصراحه اه ريحة الاكل حلوه 
مصطفى والله ما تستاهلو 
حسن انا مش ناقصك كفايه إلا انا فيه بس تصدق الأكل حلو قوى وسابه وقام مهموم من الا عمله والا ها يترتب عليه