سجينه العادات الفصل الثامن عشر

بس السم عملها جلطة بسيطة بس لحقتها بس في مشكلة صغيرة جلطة أثرت عليها حتقعد بس شهر شهرين شلل نصفي و كل ما كانت نفسيتها حلوة المده. مرضها معتمد علي نفسيتها 
امير سم سم انت متاكد من كلامك ده سم وفي بيتها دي کاړثة. 
نورما اهدي بس يا امير أن شاءالله حتكون كويسة 
امير انتي عارفة بيقول ايه بيقول أن حد من جوا البيت حط سم لامي يعني كان ممكن يحطه علي اي حاجة غير القهوة و أمي تضيع مننا 
دكتور خد بالك أن نوع سم ده مش بيبان أنه سم نوعية بيبان أنه جلطة دماغية و ممكن كمان يعمل سكته دماغية ده اخطر نوع وللاسف النوع ده مش موجود في مصر ده جاي من برا احنا عرفنا أنه سم لأنه متفاعلش مع قهوة فبان مع تحاليل لو اي حاجة تانية مكناش عرفنا 
بدأ مخ امير يشتغل 
امير يعني انت قصدك أن سم ده مش هنا في مصر. 
دكتور خالص مش موجود اللي مدخله عارف هو بيعمل ايه بلظبط اعذرني انا لازم ابلغ الشرطة علشان دي مسؤلية 
امير براحتك يا دكتور ده شغلك بس مش عاوز حد يعرف
دلوقتي انك بلغت 
امير نورما خليكي انتي هنا مش عاوز حد يعرف انك رجعتي من مصر خالص حتي اهلك مفهوم
نورما مفهوم بس ليه افهم 
امير مش وقته أنا رايح مشوار نص ساعة وراجع مش عاوزك تخرجي برا باب مستشفي بعصبية مرة واحدة اسمعي كلامي في حياتك بقي وسابها ومشي 
دكتور من بعيد استاذ امير لو سمحت ثواني 
امير خير يا دكتور في ايه 
دكتور دي جناية قتل وانا بلغت شرطة وهما في طريق 
امير تمام انا مسافة سكة ربع ساعة حكون هنا علي بال ما يوصلو
خرج امير بسرعة متوجه للسرايا 
دخل بهدوء دون علم. حد دخل علي مطبخ 
امير فوزية تعالي عاوزك في مكتب
فوزية بړعب أوامرك امير بيه 
دخلت فوزية وخۏفها باين علي وشها
امير اقعدي هنا و احكي ليا ايه اللي حصل بلظبط من ساعة ما عملتي فنجان قهوة 
فوزية بعياط والله يابيه ما عملت حاجة اقسم بالله ما عملت انا عملتها زي كل يوم 
امير ركزي ايه اللي حصل علشان لو مركزتيش البوليس حياخدك انتي وانا مليش دعوه بيكي 
فوزية ؤالهوي يا لهوي احب علي ايدك يا بيه معملتش حاجة احب علي ايدك يابيه انا غلبانه و بربي يتامى 
امير يبقي خلاص احكي ليا ايه اللي حصل بلظبط 
فوزية مخبراشي مخبراشي لاء لاء في حاجة غريبة حوصلت حتي انا كنت مستغربة قوي 
امبارح وانا بعمل قهوة دخلت عليا ست ماهي تزعق علي الأكل أنه اتاخر وهي جعانة وقالتلي هاتي قهوة انا حوديها للست كبيرة و اخدتها و قبل ما تحصل باب رجعت تاني وقالتلي خديها انتي و ديها احسن ست كبيرة تضايق 
اصل انا سمعتهم پيتخانقو مع بعض فوق والست كبيرة بتقول لست ماهي أنها حتفضحها عندك و سامحني يا أمير بيه انا سمعت كل كلامهم والله مش قصدي اسمع
امير اخلصي معنديش وقت سمعتي ايه 
فوزية سامحني يارب سامحني والله ڠصب عني
امير بزعيق اخلصي بقي 
فوزية پخوف حاضر حاضر سمعت ست كبيرة بتقولها انها عارفه هي عاوزة ايه من اول يوم دخلت في هنا وان ست ماهي مكنتش حامل اصلا و أن ست كبيرة عملت كده مع ست نورما علشان تحميها من ست ماهي وان ست ماهي اتفقت مع دكتور علشان يقول أنها سقطت الولد اللي في بطنها 
امير بعصبية وڠضب شديد كل ده عرفاه وساكته 
فوزية انا خفت يابيه انا حاجي فين وسطيكم
امير فوزية حسك عينك حد يعرف بكلام ده او اي مخلوق يعرف اني عرفت بكلام ده 
فوزية عيب يا بيه انا لحم كتافي من خيركم وانا اتربيت في بيت هنا وست كبيرة هي اللي ربتني .
امير روحي شوفي شغلك دلوقتي
فوزية يعني انا كده خلاص مش حتبلغ عني
اميرروحي يا فوزية دلوقتي ومتقلقيش انتي بنت البيت ده
امير ماشي يا ماهيتاب دبور وزن علي خړاب عشه ان ما سجنتك مبقاش امير العزاوي
طلع امير عندها كانت بتكلم في تليفون مش حاسة 
ماهي أيوة يا جاك دكتور زفت ده كل شوية يتصل ېهدد أنه حيقول لامير
جاك سيبك منه انا حتصرف معاه الصبح تسمعي