ليه يازمن الفصل 10
انت في الصفحة 1 من 5 صفحات
الفصل العاشر
ليه يازمن
في مكتب علي...
دخلت عنده هايدي.
هايدي ممكن ادخل
علي اتفضلي.
هايدي شكرا. كنت عايزه اسألك حانبتدي تدريب إمتى
علي ممم ليه أنا
هايدي مش فاهمة قصدك إيه
علي عايزاني أدربك ليه المكتب مليان محاميين شاطرين غيري.
هايدي بصراحة أنا معجبة بيك !!!
علي معجبة يعني إيه!
هايدي هو إنت ليه عايز تحرجني كده !
الوقت دا زهرة كانت بتتصل
وحمد ربنا لما شاف اسمها منور الشاشة عنده.
علي أيوه يا حبيبتي عامله ايه
زهرة الحمدالله إنت كويس
ورد على زهرة وكإنه عايز يوصل رسالة ليها.
علي بقيت كويس لما سمعت صوتك.
وراح جنب الشباك فتحه..
زهرة علي إنت وحشتني قوي.
علي وانت كمان وحشتيني. بقولك إيه نتقابل النهارده
زهره بجد يا علي
علي بجد يا قلب علي اخلص شغل ونروح نتغدا مع بعض.
زهرة مش حاينفع يا علي خلينا نتقابل في الكورنيش زي كل مرة.
زهرة انا مش عايزة اتأخر.
علي أوعدك حاخلص بدري الشغل ومن غير ما تتعبي نفسك حتلاقيني مستنيك بره الحارة.
زهرة لا يا علي أخاف حد يشوفني.
علي مش مشكلة يا زهرة كلها أيام وتبقي على ذمتي. بصي أنا مش عايز خطوبة خليها كتب كتاب على طول إيه رأيك
لف لقى هايدي لسه قاعدة ومتضايقة.
هو كان مفكرها حاتطلع من المكتب..
علي معلش المكالمة كانت مهمه. كنا بنقول ليه
هايدي دي أختك
علي لا حبيبتي وخطيبتي وقريب تبقى مراتي.
بصي يا آنسة هايدي الملف دا خذيه على مكتبك وادرسيه كويس ولما تخلصيه ممكن نتناقش فيه ولو اقنعتيني اخليك تترافعي عنه الجلسة الأسبوع الي جاي.
علي انت و شطارتك.
هايدي عن إذنك.
وطلعت
علي اتنهد..
علي أنا مش ناقصك خالص. أوف دا انا نسيت إني حاخذ أمي للدكتورة وانا وعدت زهرة أعمل إيه
اتصل على فرح الي كانت مشغولة بدور على شغل على النت.
انتبهت لتليفونها وهو بيرن..
فرح أيوه يا علي.
علي إزيك يا فروحة عامله إيه
علي تمام بصي حاديلك العنوان دا وتاخذي ماما في اوبر وتروحي للدكتورة هي حاتعمل اللازم و أول ماتخلصوا أكون أنا جيت عندكم. وكمان تشوفوا المكتب الجديد بتاعي هو في نفس العمارة.
فرح ماما مش حاترضى تطلع خالص وشكلها زعلانة مع بابا فمش حاترضى تتصل بيه تاخذ إذنه.
علي اتصلي بيه إنت بلغيه. فرح إوعي تتأخري سامعه
فرح حاضر .
أخيرا الحاجة رحمة اقتنعت بكلام فرح وإن دي اوامر علي. المعلم مقالش
