قصه مشوقه
انت في الصفحة 1 من 7 صفحات
أعملك شاي
مش عايز
ده أنا الشاي بتاعي جميل
قولتلك مش عايز
أعملك قهوة طيب..
شاور على باب الأوضةممكن تخرجي
حاضر..
مشيت خطواتين و بعدها إلتفت ليه من تانيطيب أسخنلك تأكل..إنت مأكلتش حاجة من الصبح
لما أحتاج حاجه هعملها بنفسي
رفع إيديهأنا عندي إيدين أهم
الست هي إلي بتخدم جوزها
هو أنا متجوزك عشان تخدميني
إمال متجوزني ليه!
بص الناحية التانيهعشان..عشان..
مش عشان حاجة مش لازم يكون فيه سبب و إتفضلي إخرجي عايز أنام ممكن
بصيت للأرض بحزنممكن.
خرجت و قفلت الباب ورايا مشيت كام خطوة لغاية ما وصلت باب أوضتي قعدت على السرير ب كسرة نفس كبيرة بقالنا شهرين متجوزين و هو على الحال ده مش طايقاني ولا حابب يشوفني السؤال هنا هو إتجوزني ليه
حب!..
كلمة غريبه أوي ياما سمعت عنها حواديت و قصايد كان كل حلمي إني أعرف معناها أحس بيها مع الراجل إلي هيبقي زوجي بس أهو مليش نصيب أعرفها هتفضل طول عمرها الغز إلي حيرني ليالي كتير لغز..مجرد لغز و بس.
أنا جهزت الفطار
مستعجل هأكل فى الشغل
خرجت الكيس إلي كنت مخبياه ورا ضهريطيب خد دول ساندوتشات عملها ب إيديا ليك بدل أكل الشارع
أخد شنطتهمتعود عليه أكل الشارع ده أنا متعود عليه.
أمال أنا صاحية و محضره الفطار لمين طيب و السندوتشات
ليه المعامله القاسيه إلي مليانه جفا دي
أنا عملتله إيه بس!.
مين إلي لعب فى المكتب كده
أنا نضفته و رتبتهولك انهاردة
أنا لقيته مكركب و إنت بتشتغل عليه اليوم كله قولت لما أرتبه عشان يفتح نفسك و تشتغل على نضافه
قولتلك مئة مره متعمليش حاجه من دماغك إنت مبتفهميش ليه
عينيا دمعتأنا مكنش قصدي أدايقك والله
بصيت عليه و كملت كلاميأنا آسفه.
خرجت البلكونة فضلت أشكي لنجمتي همي ذي ما تعودت أقرب حد ليا هي النجمة دي كل ما بكون زعلانة و أخرج مبلاقيش غيرها ف السما و كأنها موجوده عشان تسمعني طول عمري وحيدة حتي وسط أهلي و أصحابي إحساس الوحده صعب مش هين يعني تبص تلاقي حواليك
حاجات كتير قادرة تسمعك من غير ملل قادرة تحتويك تطمنك قادرة تصاحبك و تكون جمبك فى أي وقت.
الوقت إتأخر و حسيت بلسعة بروده ف قررت أودع نجمتي و أدخل عشان أنام خرجت من البلكونة و قبل ما أدخل باب أوضتي سمعت صوت جاي من أوضته!
كنت بحسب إنه بينادي عليا فى روحت ناحية أوضته لغاية ما وقفني صوته و هو و بيعيط..بيعيط!
لاقيت شلال دموع نازل من عينيا معرفش كان سببه إيه!
دخلت أوضتي بسرعة لما
