قصه مشوقه
امي
بقولك
________________________________________
هو مين الجدع اللي كانت هنادي بتشاكل معاه امبارح
سعدية بنتي مبتتشاكلش مع حد يا سماح
سماح لا مش قصدي بس امي بتقول الجدع اللي كان راكب الحصان سمعته بيقول يوديها للدكتور ليه هو ايه اللي حصل
سعدية وامك مكملتش الحكاية وقالتلك إن هنادي وقعت ورجلها اتعورت
سماحلأ أمي مشافتش حاجة دا خالتي أم إبراهيم جارتنا هي اللي قالت لأمي
سماح ايه دا يا هنادي انتي هتطلعي كده
سعدية ليه مالها
سماح احنا رايحين فرح وهي عايزة تطلع كده لا كحله في عينها ولا حتي تعمل الطرحة بشكل حلو بس مش مهم هبقي اظبطك هناك
سعدية لأ يا هنادي اوعى تخلعي الطرحه هناك ولا تحطي حاجة في وشك انتي كده حلوه من غير أي حاجة
هنادي حاضر ياامه. ..يلا يا سماح
تخرج هنادي وسماح من المنزل
هنادي علشان عيب
سماحهو ايه اللي عيب انتي مش بتشوفي البنات بتعمل ايه في المدرسة اقولك بكره تشوفي لما نروح مدرسة الصنايع هتشوفي البنات بيعملوا ايه في وشهم
هنادي مش عايزة اشوف حاجة يا سماح
سماحخليكي كده هبله ومش فاهمه حاجة دا اني امي بتقولي الواحده لو مش طلعت بالاحمر والأخضر واحلي لبس مش هتتجوز
سماح ياخيبتك الظاهر إن انتي مش فاهمه حاجة ماهي الحاجات دي اللي بتجيب العريس يا خايبه
هنادي ههههه وانتي بقي عايزة تتجوزي
سماح ومتجوزش ليه دا انا عندي ستاشر سنه
هنادي طيب
سماح خبطي بقي علي الباب هو دا بيت مروة
تخبط هنادي يفتح كريم أخو مروة
سماح ببتسامة ازيك ياكريم مروة هنا ولا في الكوافير
سماح هههههه ايوه أصحابها هي فين
وتدخل سماح علي طول
كريم لهناديوانتي هتفضلي واقفه كده اتفضلي ادخلي
تخرج مروة من غرفتها تسلم على سماح وهنادي ويدخلوا جوه
سماح هو اخوكي في سنه كام يا مروة
مروة كريم خلص الدبلوم وفي الجيش دلوقتي جاي النهاردة أجازة علشان فرحي
سماح يوم واحد بس ياخسارة
قربوا بقي اقفلولي الشنط
سماح تنبهر بفستان مروة عقبالنا بقى
مروةيااختي مستعجله علي ايه بكره تتجوزي
سماح مالك يا بت انتي مش مبسوطه
مروة اهي جوازة والسلام مالك يا هنادي ساكته ليه
هنادي لا مفيش
سماح بمكر إلا بالحق يا مروة مش تباركي لهنادي
تنظر هنادي بدهشة
مروة ايه اتخطبت من غير منعرف
سماح لأ دا وائل اخوها خطوبته النهاردة
يا حبيبتي يا هنادي
والخطوبة عندكو في البيت ولا في بيت خالتك
سماح لأ في مصر
طلع بيفهم حد يسيب عيشة مصر ويجي يعيش هنا
مروة هو هياخد كامليا معاه مصر يابختها
سماح كامليا مين دا هيخطب بنت من مصر
مروة يالهوي وكامليا
هنادي ايه يا بنات كل شيء نصيب وبعدين واضح يا سماح انك عارفة كل حاجة
سماح ماانا قبل ماادخل عندكو شوفت عربية عمك واقفة قدام الباب وسألت فتحي ابن عمك وقالي انهم رايحين خطوبة وائل اخوكي في مصر
....... ..............
في منزل العمده
نرمين ايه الشياكة دي كلها رايح فين
طارق واحد صاحبي عازمني علي فرحه
الحاجة أمينه عقبالك ياابني
نرمين يعني أصحابك عمالين يتجوزوا وانت كده قاعد متتحرك ياابني اعمل أي حاجة
طارق ههههه اعمل ايه يعني
الحاجة امينه كله باوانه يابنتي وبعدين قولي الكلام دا لروحك ماانتي عماله ترفض كل العرسان اللي بيتقدمولك
طارق هههههه انتي اللي جبتيه لنفسك سلام انا بقي
.............. ... ..
هنادي انا ماشية يا سماح الدنيا ليلة وأمي هتقلق عليه وقاعدة لوحدها في البيت
سماح يابنتي خلينا بس شوية كمان نشوفها وهي علي المسرح هنادي بس امي
تقاطعها سماح خمس دقايق بس اهي طلعت اهيه هصورها صورة واطلع أتصور معاها تعالي يلا
هنادي لا يااختي اتكسف اطلع قدام الناس دي كلها وبعدين امي متعرفش أننا رحنا الفرح هي عارفةاننا هنروح عند مروة في بيت أبوها بس
سماح خليكي انا طالعه انتي فقعتي مرارتي ياريتني معديت عليكي ولا قولتلك تيجي معايا
تسيبها سماح وتطلع تبارك للعروسة
هنادي لسه واقفة مكانها بعيد عن الناس ومستنيه سماح
علي الجانب الآخر في قسم الرجال
العريس يسلم علي طارق
العريس متشكر قوى انك مش كسفتني ومجيتك دي علي راسي
طارق الف مبروك. ..ازاي مجيش دا انافرحان انك افتكرتني
العريس وحد ينسى ولاد العمده بردو أومال سعيد فين
طارق في البيت انت عارف بقي بيرجع من الشغل تعبان هو هيبقى يجي يباركلك
الناس مبسوطه وبتصقف
فجأة ولد يرمي صاروخ يجي جمب هنادي ويفرقع
تصرخ هنادي بصوت عالي
الجميع ينظروا ليها
طارق بدهشة يقوم من علي الكرسي
هنادي بټعيط وتجري وتبعد عن الفرح
تجري سماح تلحقها
طارق هنادي. ...هناااااااااااااادي
سماح مين دا يابت يا هنادي
هنادي وهي بتاخد نفسها امشي وانتي ساكته مش كفاية اللي حصلي من تحت راسك
سماح هههههههههههههههه اعملك ايه ماانتي اللي قلبك خفيف في حد ېخاف من حتة صاروخ صغير هههههههههههه
طارق بينظر ليهم من بعيد
طارق يحدث نفسه ياترى ساكنه فين يا هنادي
.........................
تسير هنادي بسرعة نحو منزلها
سماح استني ياهنادي انتي ماشية بسرعة ليه
هنادي اتاخرت وأمي زمانها قلقانه عليه
سماح طب مين الشاب اللي كان بينادي عليكي
هنادي معرفش. ..سلام يا سماح
تدخل هنادي المنزل
سعدية تقابلها پغضب ايه اللي اخرك لحد دلوقتي
هنادي أصل سماح ياامه
تقاطعها سعدية سماح دي مش هتعرفيها تاني سمعتي
هنادي حاضر ياامه
سعدية كويس إن ابوكي في مصر لو كان هنا مكنش عدي اللي عملتيه ده علي خير
هنادي انا مكنتش عارفة إنها هتاخرني كده
سعدية اطلعي غيري هدومك لما احط العشا علشان انام
هنادي حاضر ياامه
تطلع هنادي اوضتها وهي بتحاول تاخد نفسها بصعوبة
هنادي لنفسها هو انا كل مشوفك تحصلي مصېبه
تغير هنادي ملابسها وتفتح الشباك تتنفس شوية هوا
تنظر تحت
هنادي ېخرب عقلك أنت ايه اللي موقفك هنا
طارق تحت ينظر للمنزل ويرفع رأسه ينظر للشباك
هنادي بسرعة تقفل الشباك امشي متودنيش في داهية
طارق تحت يبتسم ثم يذهب في هدوء
سعدية لهنادي ايه يابنتي كل ده بتغيري
تتخض هنادي
سعدية مالك ياهنادي انتي مش علي بعضك ليه
هنادي باضطراب لا ياامه انا بخير يلا علشان نتعشا انا جعانه
تحت بالأسفل
سعدية صاحبتك كانت حلوه بفستان الفرح
هنادي كانت حلوة قوي ياامه
سعدية عقبالك يابنتي
هنادي أمه اني كنت عايزة أسألك علي حاجة
سعدية أسألي يا قلب أمك
هنادي بتردد هو انتي وابويا اتجوزتوا بعد محبيتوا بعض
سعدية بحرج خلصي أكلك خلينا نطلع ننام
هنادي مش عايزة تقوليلي ليه
سعدية انتي مالك يابت اليومين دول تصرفاتك غريبه كده مش فهماكي
هنادي هو الحب عيب ياامه
سعدية ايوه عيب ومتفتحيش الموضوع دا تاني
هنادي مش انتي وابويا بتحبو بعض
سعدية ايوه علشان هو جوزي لكن الحب اللي بالك فيه ده عيب ومش عارفة مين دخل في مخك حكاية الحب والكلام الفاضي ده
انا طالعه انام لما تخلصي شيلي الطباق هنام معاكي الليلة
........................
في الصباح
سعدية شهلي يابنتي خلينا نروح الغيط ابن عمك زمانه طلع بالبهايم دلوقتي
هنادي وهي بتلبس الطرحه طب ماكان كمل جميله ووكل البهايم بالمره ولا هي مشوره وخلاص
سعدية يعني مش كتر خيره إنه خد البهايم عندهم في الزريبه وطلع بيهم الغيط
هنادي خلاص ياامه يلا بينا
في الطريق
سعدية مالك يا بت انتي بتتكعبلي وانتي ماشية ليه
هنادي بتوتر مفيش ياامه أصل الجزمة كعبها ۏجع رجلي
سعدية ولازم تلبسي الجزمة دي
وصلوا الأرض
هنادي واقفة بقلق
سعدية انا هخف شوية دره للبهايم خليكي
________________________________________
واقفة هنا علشان تحطيلهم
هنادي حاضر
تدخل سعدية جوه الأرض
طارق يقرب من هنادي
هنادي انت عايز مني ايه أبعد من هنا أمي لو شافتك ھټموټني
طارق انا منمتش طول الليل
هنادي ليه امك مشربتكش اللبن قبل متنام
طارق ههههه انتي لمضه اوي بس دمك زي العسل
هنادي يالهوي
طارق ايه في ايه
هنادي انت ازاى تقولي كده
طارق انا غرضي شريف
هنادي بسخرية طب امشي يا شريف من هنا
طارق بس انا مسميش شريف انا اسمي طارق
هنادي ساكته
طارق حلو اسمك يا هنادي
هنادي علشان خاطري امشي من هنا امي طالعه من الأرض وهتشوفك
سعدية تنادي هنادي تعالي يابنتي ساعديني
أيدي وجعتني.
هنادي حاضر ياامه
طارق أمك جايه استخبي فين
سعدية تقرب پغضب مش بقولك قربي ساعديني
هنادي تتلفت حواليها راح فين ده
سعدية هو مين دا يابت انتي بتكلمي نفسك
هنادي لا ياامه هاتي عنك
سعدية حطيه كله قدام البهايم
تبعد سعدية عن هنادي وتنزل الأرض تاني
تحط هنادي الدره للبهايم
تلمح طارق جوه جمب الجاموسة
هنادي يالهوي انت بتعمل ايه هنا
طارق ملقتش حته استخبي فيها اعمل ايه
هنادي بتضحك هههههههه
تيجي سعدية
سعدية انتي يابت بتضحكي علي ايه
هنادي مفيش ياامه
سعدية اوعى وريني في ايه
تدخل سعدية وتقرب من المواشي
هنادي بتتنفس پخوف
سعدية ابقي شيلي القش دا من قدام البهايم علشان يعرفوا ياكلوا
تبعد سعدية وتقرب من الأرض
تقرب هنادي وتشيل القش من قدام المواشي
تلاقي طارق تحت القش تصرخ
سعدية تجرى في ايه يا هنادي
هنادي بتوتر مفيش ياامه دا فار كان تحت القش وخلاص خرج
طارق انا فار بردو
هنادي هههههههه اعملك ايه يعني
امشي بقي قبل ماامي تشوفك
يخرج طارق بسرعة
طارق ابوكي فين يا هنادي
هنادي ياجدع انت امشي بقي هتوديني في داهية
طارق ابوكي فين بس قوليلي
هنادي ابويا مش هنا في مصر امشي بقي
طارق راجع أمتي
هنادي يوووووه بقولك امشي انت مصمم إن تشوفك وتعملي مشكلة
طارق جيلكو بكره بعد المغرب عايزك تبقي موجودة في البيت
ويمشي طارق بسرعة
هنادي بدهشة يجي فين ده
الواد انت أهبل ولا ايه
سعدية يلا يابنتي خلينا نرجع البيت يمكن ابوكي يكون رجع من مصر
هنادي بتقولي حاجة ياامه
سعدية لأ مش بقول حاجة خليكي واقفة مكانك واني مروحه
............
يدخل طارق المنزل
الحاجة امينة يالهوي ايه ياابني مين عمل فيك كده
نرمين هههههه انت كنت فين يا طارق
طارق وقعت جمب الأرض بتاعتنا
تقرب نرمين منه اف ريحة هدومك وحشة
انت كنت فين
طارق هطلع اخد دوش واغير هدومي
الحاجة امينة الواد دا ماله حاله متشقلب كده ليه
نرمين بمزح يمكن بيحب
الحاجة امينة اه يااختي يابتاعت الحب انتي خليكي في تلفونك اللي لزقاه في ايدك ليل نهار
........................
في منزل علي
كامليا مش عايزة أخرج ياامه مليش نفس
صفيه تعالي نوصل عند خالك جلال تفوكي عن نفسك شوية
كامليا علشان اسمع كلمتين من مرات خالي لأ مش عايزة اروح هناك
يدخل علي اومال عايزة تروحي فين يكونش عايزة تروحي عند خالتك سعدية
كامليا مش عايزة اروح في حته استريحوا وسيبوني في حالي
تدخل كامليا اوضتها
صفيه ليه كده ياعلي هي كانت قالتلك إنها عايزة تروح هناك
علي ماهو كله منك فضلتي تقولي ابن اختي اولي وأختي هتراعي بنتي وهتعاملها زي بنتها وانا زي الاهبل صدقت كلامك لما خليت البنت تقعد لحد دلوقتي من غير جواز
صفيه علشان خاطري ياابو كامليا انسي الموضوع ده بقي
على انسي ايه دا بقي تار خلاص يا صفيه
صفيه تار ايه بس ياعلي خلينا في حالنا وهما في حالهم وبنتنا هيجيلها اللي احسن منه
............ ... ...
في المساء في منزل كامل
سعدية والدموع في عينها يعني هو بخير
كامل بخير متقلقيش عليه دا كان مبسوط قوي لما رحت
سعدية مسالش عليه
كامل سأل عليكي انتي وهنادي
ينادي علي هنادي قربي يابنتي اشوف
