قصه كامله

أنت العريس
انت لسة هترغي اقعد
اسمك وسنك وطولك وعرضك
يونس 27 سنة 178سم مش عارف الحقيقة عرضي مطلبهوش مني حد قبل كدا في اي تقديم
معني كدا انك اتقدمت لغيري! لافف وداير
لا مش عرايس تقديم شغل ودراسة و..
تقديم دا ولا مش تقديم!
تقديم..
مبدئيا الاسم مش من اختيارك فمش هنحاسب عليه طولك.. طولك مش مناسب
لية بس قصير
بالنسبالك أكيد لا..
بالنسبة لرغباتي يااستاذ يونس
معلش.. نعديها المرادي
العب عقلة واوصل ل 180
كلهم 2 سم في المتناول..
عرضك.. عرضك مهم
صدقيني محافظ عليه هو وشرفي كويس جدا

بجد عمري ما مسكت ايد بنت ولا شربت سجاير ولا بصيت علي اي ست
يعني اية يعني انت مش بتاع نسوان واعتزلت الملاعب علشاني
لا.. انا..
سبب شنيع للرفض
اكمل
اتفضل يااستاذ بس بعد اية بعد ما عليت من نظري ومبقيتش شيفاك!
انا بشرب سجاير من وانا في اللفة امي بعد ما ترضعني لازم تلفلي سېجارة والبنات.. مفيش بنت عدت عليا ومصحبتهاش انا خبرة اوي ووقعت في عيونك انتي وتبت وسبت الملاعب لأجلك ياجميل
رجعت توطي تاني وتبقي في مستوي نظري
الحمدلله
بتذكر ربنا ياستاذ يونس
هو احنا لينا غيره يقف معانا
عليت من نظري تاني ومبقيتش في مستوي الرؤية
اعمل اية طيب في دي مقدرش اخالف واغير..
كمان.. كمان صريح! مش بتلاوع! عليت اكتر واكتر
لا مين قالك انا كداب جدا وملاوع وفشار
نزلت.. حلو رجعت للمستوي الاصلي امام مرأي عيناي قالولي انك خريج هندسة
اها
وبتشتغل في شركة كبيرة
وهمسك منصب محترم قريب ان شاء الله
توء.. توء كدا انت نزلت وطلعت من نظري معرفش المهم مبقيتش في نفس مرأيا انا كنت عايزة واحد فاشل وينجح بيا علشان يقولوا وراء كل رجل ست وبتاع
استقيل ونبدأ من الصفر
حلو.. كدا مشيت علي الخط بتاعي رجعت اشوفك..
الحمدلله
بتصلي
مبفوتش فرض
عليت من نظري يادوب متبت في اخر طرطوف من مرأي عيني شايفاك بتلوح في الافق
مش