قصه كامله

الخۏف كلمه من كم حرف ممكن اي حد يستهين بيها لكن جواها مفاهيم كثيره الخۏف انواع وكل نوع لدرجه من القوه ممكن تغير الانسان انا هتكلم كثير ليه انا عايزكم تعيشوا معايا القصه الغريبه ديت اللي خلتني اعرف عن نفسي حاجات كثيره
التمرجي
ايه يا دكتور هو احنا ما عندناش شغل النهارده ولا ايه

الدكتور
غريب الكلام اللي بتقوله هو مين اللي مفروض يقول لي التاني في شغل النهارده ولا ايه انت بتيجي متاخر انت الباشا هنا وانا اللي بشتغل عندك
التمرجي
يا عم لا عندي ولا عندك
ضحك الدكتور
اللي مصبرني عليك قلبك الابيض
مصطفى
الحقني يا دكتور مرتي بتولد هو مش كنت قلت لنا من يومين ان لسه قدامها شهرين كمان الحقني ابوس ايدك
الدكتور
ما جبتهاش هنا ليه يا مصطفى
مصطفى
حاولت اشيلها وامها واختها احنا الثلاثه ما قدرناش نشيلها ولا كانها جبل
الدكتور
تمام انا جاي معاك وانت يا ابراهيم تعال احضر معايا الادوات
التمرجي
يعني حتى حته اللقمه مش هقدر اكملها
الدكتور
حط الجبنه في الرغيف وكمله في السكه
بعد شويه وصلنا بيت مصطفى
الدكتور
اطلعي بره الاوضه انتم ملمومين عليها كده ليه
الام
بتي بتصوت وجالها الطلق من من قبل الفجر كده
التمرجي ابراهيم
يادي الاصطباحة المهببة
نسيت اقول لكم وانا داخل حسيت احساس غريب جسمي كان في كهرباء لمسته عارفين المغناطيس كاني في طاقتين متنافرتين مع بعض حاجه بتبعدني كنت بدخل بصعوبه لكن سكت ما ينفعش اقول لهم حاجه لان انا ما كنتش فاهم ساعتها دا غير الست ال كانت اعدة برا البيت وال بشوفها من اسبوع برا الوحدة قاعدة في الارض ولا مرة حاولت اكلمها ودا مش من طبعي 
الكتور
مش عاوز حد دلوقتي في الاوضه غيرك انت واختها والتمرجي طبعا معلش يا مصطفى انت هتستناني بره
مالك فيكي ايه مش كنت متابعه مع الدكتوره شمس
مرات مصطفى بصړيخ
تعبانة خلصوني بقى من اللي انا فيه
الدكتور
يلا يا حاجه ارفعي الملايه ادعي ربنا انى اقدر اولدك هنا وماتحتاجيش تتنقلي المستشفى
الدكتوربتعجب
ايه دا فين العيل ما الخلاص اهو طلع فين العيل ما كنت ماسك الراس
مرات مصطفى بصړيخ
اخدت ابني زي ماقلتلي هو دا ال كنت بجولة يا اما وانتى ما صدقتنيش
الدكتور
هو ايه ال بيحصل العيل كنت بحاول اشده ومره واحدة اتبخرمن ايدي وما نزلش غير الخلاص
مصطفي بيعيط
مصطفي
وديتوا ابنى فين مين قټله قول نزل مېت او عيان وانتوا خبتوه صوح انا مش حعترض على مشئه ربنا لكن فين ابنيلو نزل مېت فين چتته انا حبلغ الظابط فيكم فين ابنى
الظابط 
اهدي يا دكتور وفهممنا كدا فيه ايه
الدكتور 
اهدى ازاي بس اقسملك العيل كان في ايدي واتبخر اسأل امها ولا اسألها هي او اسأل ابراهيم التمرجي
الظابط 
ابو العيل بيتهمك انك اتلتوا وانت بتولد مراته ومعاه ما يثبت انها كانت حامل صور السونار وروشتات عليها امضتك وامضته دكتورة شمس بادوية ومقويات لمراته طول فترة الحمل
شاورت لابراهيم يتكلم
والله يا بيه انا ماكنت عاوز اروح المشوار الاسود دا دول عيلة مايعلم بيها الا الله
الدكتور
يعننى ايه يا ابراهيم مش فاهم وانت جي تتكلم دلوقتي وهما عاوزين يودوني في داهية
الظابط
لا داهية ولا حاجة احنا بنعمل شغلنا وعلى العموم حتروح مننا فين القرية صغيرة ممكن تروح السكن دلوقتي
الدكتور
انا مش حروح السكن ولازم اعرف فيه ايه علشان كدا حروح لمصطفى واعرف فيه ايه ومراته ايه حكايتها
التمرجي
انا قلت من الاول انت ماصدقتنيش بس مش حروح معاك روح لوحدك يا ابني
الدكتور
لا حتروح لانك المفروض لو كنت تعرف حاجة كنت نبهتني
التمرجي
مابدهاش يالا بينا نروح بيتهم وفي السكة ححكيلك
الدكتور
يالا بينا
التمرجي
كل اللي نعرفه عن العيله ديت انه جدودهم مش من بلدنا يمكن انت ما تاخدش بالك ان اهل القريه بعيد عنهم ما حدش بيكلمهم ولا حد بيزورهم حتى مصطفى ومراته قرايب اخذين حته ارض زي ما انت شايف في اول القريه بعيد عن الدنيا
الدكتور
برده مش فاهم وايه دخلي دوت بالحاجه اللي حصلت لغايه دلوقتي انا مش مصدق انا مسكت الولد اتبخر في ايدي كنت بحاول انزل الراس ومره واحده تبخر
التمرجي
اهدي على نفسك كده يا دكتور شويه واسمع كلامي للاخر ودينا ماشيين والسكه طويله واجمد كده شويه يا ابني عارف انك بتاع مني كويس علشان راجل كبير وانا مش هسيبك لوحدك
الدكتور
وانا يا سيدي عارف انك راجل طيب