قصه كامله
انت في الصفحة 1 من 6 صفحات
_هو انا لو اتجوزت وخلفت اتنين وانتي اتجوزتي وخلفتي اتنين هيكونوا كام
_4
_لا غلط هيكون 2 ركزي معايا كده
_مسا مسا على احلى مديره في الشركه
سبت الورق من ايدي ونفخت بضيق _ايه دخلت السرسجه دي يا يونس احنا في شركة محترمه
بصلي وضحك _ يعني انا غلطان اني بسيطك في الشركه
_عايز اشرب شاي
_يا يونس متبقاش رخم جاي ليه
_ما قولتلك عايز اشرب شاي ولا انتي مديرة بخيله
رديت عليه باستنكار_انا مديره بخيله يا يونس
_لا انتي مديره قمر
برقت پصدمه _ايه
_بقولك هتجيبي الشاي ولا امشي
بصتله شويه وانا بحاول اتجاهل كلامه بحس دايما كلامه غريب بيلمح لحاجه انا مش فاهماها ومش عارفه هي ايه او عارفه بس ببقى نفسي اوقات اسمعها منه !
_ها جاي ليه
_لقيت نفسي زهقان شويه قولت اجي اتكلم معاكي
_هو فيه حاجه حصلت يا يونس
اتنهد _ اهه فيه حاجات كتير حصلت ومش مريحاني
_فيه ايه حصل حاجه
اتكلم بضيق بيحاول يخفيه _ فيه قضيه مرفوعه ضد كل ممتلكات بابا اللي هما الشركات و المصانع بأنهم بيتاجروا في ادويه متهربه
_هيكون مين يعني هو فيه حد غيره هيعمل العملة دي من ساعة ما طلع انه ملهوش اي حاجه في الشركات والمصانع !
اتكلمت بتعجب ودهشه _قصدك عمك
اتكلم بغيظ وضيق _هو مفيش غيره وانا متأكد
_طيب وايه اللي مأكدلك كده
_محدش ليه مصلحه غيره لما يلاقي المصانع والشركات قفلت ناره هتبرد
_اتكلمت مع محامين العيله وهما بيحاولوا يتصرفوا انا حاسس اني بنهار يا سجى حاسس اني حصوني پتنهار مش عارف اركز واستوعب توصل بيه البجاحه انه يعمل كده
كان بيتكلم بحزن وكان صعبان عليا اوي بصتله وحاولت اخفف عنه
_خلاص متزعلش يا يونس إن شاءالله المشكله دي هتتحل وشركات ومصانع باباك هتفضل زي ما هي متخفش
ابتسمت بهدوء _إن شاءالله يلا اشرب الشاي بقى
كان بيشرب الشاي وملامحه فيها حزن هو من حقه بصراحه انا مش عارفه عمه هيستفاد ايه من كل ده ...يونس شخص كويس وطيب عمره ما اذى حد كنت اعرفه من ايام الجامعه واتخرجنا مع بعض هو مسك شركات باباه بعد ۏفاته و انا مسكت شركة بابا كنوع من المساعده ل بابا بعد تخرجي اكتر شخص اتعاملت معاه نيته صفيه ومش بيكره حد باباه كان مأسس شركاته و المصانع بتاعته و عمه كان بيساعده بعد ۏفاة باباه وعمه مقتنع انه مأسس مع بابا كل حاجه وهو شريك معاه ولما يونس رفض وقال ده حقه هو واخته وملهوش حاجه بيحاول بكل الطرق يهد كل حاجه ليهم في الحياه بس فعلا
