قصه مشوقه

_ بص مين جه بره عندنا دي هاجر يا وائل
حسيت وقتها الدنيا وقفت بيا مفيش صوت ولا حركه حاسس بصوت انفاسي بتعلى وقلبي بيدق لدرجة كل الناس سمعاه سمعت صوت نوال اختي بتتكلم 
_ ايه روحت فين يا وائل انا بكلمك !
_ ها اهه اهه أنا معاكي بتقولي حاجه 
اتكلمت بمرح_ لا انت مش معايا خالص بقولك هاجر بره 

حاولت اتكلم بثبات _ تمام عايزه حاجه انتي !
_ لا مش عايزه تعالى نخرج نستقبلها 
هزيت راسي بنفي وانا بحاول اتهرب منها_ مش عايز استقبل حد انا عايز انام يلا اخرجي 
نمت على السرير واتغطيت وهي بصتلي بدهشه وخرجت انا مش عايز اقابلها خاېف من مقابلتها اللي بحسبلها من سنه من وقت ما اتخطبت وانا بفكر ازاي هقابلها واتعامل معاها ازاي هتكلم معاها وانا عارف انها لغيري مش ليا وعمرها ما هتكون ليا !
_ اهلا وسهلا يا هاجر يا بنتي تعالي 
وحشتيني والله يا مرات عمي عامله ايه
_ الحمدلله يا هاجر انتي اخبارك ايه طمنيني عليكي وامك وابوكي عاملين ايه 
_ الحمدلله بيسلموا عليكي 
_ الله يسلمك يا حبيبتي تعالي يلا اقعدي 
_ حاضر 
قعدت ومرات عمها بصت ل بنتها 
_ يلا يا نوال حضري الغداء لبنت عمك جايه من السفر واكيد تعبانه 
_ لا والله انا اكلت من شويه 
_ ازاي يعني ده الطريق من هنا لبيتكم اكتر من ساعتين 
_ لا ما انا اكلت سندوتشات 
اتكلمت بلوم _ طيب وده ينفع برضوا انتي جايه بيت عمك وتقولي سندوتشات !
_ والله يا مرات عمي كنت جعانه وبعدين انا قاعده معاكم اهو هاكل في اي وقت 
_ خلاص يا نوال روحي هاتي عصير أظن ملكيش حجه بقى 
ضحكت _ لا مليش اي حجه ماشي يا نوال هستنى العصير 
خرجت نوال وهاجر اتكلمت معاها وبعدها سألتها 
_ امال فين محمد و وائل يا مرات عمي 
_ محمد في الشغل و وائل كان في الاوضة من شويه ممكن يكون نايم 
_ طيب هقوم اعمل مكالمه لحد ما نوال تجيب العصير 
مسكت الموبيل واتصلت على تامر خطيبي رنيت شوية وبعدها رد 
_ الووو 
_ ايه يا تامر عامل ايه 
_ الحمدلله يا هاجر وصلتي 
_ لسه فاكر تسأل اني وصلت يا تامر انت حتى مفكرتش ترن عليا حتى !
_ انتي عايزه ايه دلوقتي يا هاجر انا عندي شغل 
_ عايزاك تهتم بيا يا تامر 
_ لما اخلص ههتم بيكي دلوقتي عندي شغل سلام 
قفل الموبيل في وشي وانا اتنهدت بيأس وحزن خدت نفسي ودخلت البيت تاني قابلت نوال في وشي ابتسمتوهي عطتني العصير 
_ تسلم ايدك يا نوله 
_ بالف هنا يا هاجر 
_ هو لسه لحد دلوقتي محمد و وائل محدش فيهم جه 
_ لا يستي محمد مش بيوصل دلوقتي خالص 
_ طيب و وائل 
_ ها وائل نايم أصله كان سهران بليل 
_ خلاص تعالي نقعد انا وانتي شويه لحد ما يوصلوا 
_ اشطا تعالي ونشغل حاجه نسمعها مع بعض ايه رايك 
ابتسمتلها بهدوء _ كده تمام 
راحت عند الشاشه وفتحتها وشغلت فيلم بس كان قديم شويه 
_ الله انا بحب الفيلم ده اوي 
_ ما انا عارفه انتي طول عمرك بتحبي رشدي اباظه
_ انتي لسه فاكره ده تقريبا مكنتش بعدي فيلم ليه عموما انا بحب كل الافلام القديمه كلها 
ضحكت _ هي فعلا الافلام القديمه حلوه بس الجديد احلى 
بصتلها باهتمام_ لو عايزه تقلبي على القناة وتجيبي فيلم غير ده عادي على فكره 
_ لا انا مش مهتمه اوي فهسمع معاكي 
هزيت راسي بهدوء_اوكي 
كنا