حارسي
شبه من رنا اللى كانت هنا الله يرحمها
مراد رنا مين وراحت الله يجحمها احنا مع الجميل ده ههههه
نظر جاسر بانتصار لحلا حيث انه تعمد ذكر رنا
فهو لاحظ عندما ذكرها من قبل دعاء مراد عليها فتعمد ذلك
كانت حلا تغلى من داخلها فور دعاء مراد علي اختها الراحله ولكن كتمت غيظها قائله رنا مين
جاسر دى كانت سكرتيره هنا بس لقوها مقتوله للاسف
جاسر بمكر مهو انت كان نايبك من الحب جانب
مراد بضحك اهى غارت ..نخلينا مع برنسس حلا ولا ايه
حلا بعد برهه من الصمت اه
يتبع .
بقلم حكاوي مصريه
حارس شخصى
الفصل الحادى والعشرون
مضى شهران على اتفاق حلا مع جاسر وخالد استطاعت فيهما أن توطد علاقتها جدا بمراد وبالطبع لم يكن عسيرا بالنسبه لفاتنه مثلها
نهى مش فهماكى يا مهجه
مهجه ايه يا نهى اللى مش فهماه
نهى مش عاجبك مراد بلاشه
ضحكت مهجه بسخريه اسيبه ..كان ممكن اعذرك فى كلامك لو مكنتش حكتلك بنفسى مصيبتى معاه لكن اسيبه وبعدها
نهى بعدها تلاقى الراجل اللى يقدر توبتك ويسترك ويسعدك
امتلأت اعين مهجه بالدموع عند كلام نهى واسترقت النظر الى حازم الجالس مع جاسر بعيدا ..
لم يغب عم نهى نظرة مهجه لحازم فربتت على كفها بإشفاق قائله بيحبك
مهجه هو مين
نهى بمكر اللى عينك هتطلع عليه وهو كمان عينه هتطلع عليكى يا مهجه
مهجه هه انتى طيبه اوى اوى
نهى يا بت انا اكبر منك وافهمها وهى طايره
مهجه ادعيلى انا تعبانه اوى اوى
.كان حازم فى هذا الوقت جالسا مع جاسر يتحدثا فى امر مراد
حازم ھموت يا جاسر ..كل اما ييجى هنا بحس انى عاوز اخنقه
جاسر الصبر يا حازم..اطمن حلا ماشيه تبع الخطه
حازم بمزاح حلا الشمال بس جامده وانت شكلك عجباك الحكايه
ضحك جاسر طويلا ورفع رأسه تجاه الشرفه الخاصه بغرفة سميه ثم قال هى غيرت كتير الصراحه بس مش فيا انا ..ااه يلا هطلع انام بأى سلام
تكون هى من ستمضى ليلتها مع جاسر تقف امام المرأه تتأمل تفاصيل المنامه الناعمه التى ارتدتها اليوم والتى لم تكن تتوقع ان ترتدى مثلها فى يوم من الايام ...
تناولت العطر الخاص بها ووضعت الكثير منه ونظرت نظره اخيره لنفسها تنم عن رضا كامل ...
دخل جاسر وهو متوقع كالعاده ان تفاجئه سميه بمظهر جديد ولكن ما ان رآها حتى صمت تماما وتفحصها من اعلاها لاسفلها
رأت سميه نظرة زوجها فعلمت تماما انها حققت ما تسعى اليه فابتسمت وأشارت اليه بأصبعها كى يذهب اليها فقد كانت واقفه بجانب الشرفه ...
جاسر احنا كمان بأينا بنشاور بصوابعنا خلاص ...
تقدمت سميه منه بدلال وامسكت بالرابطة العنق الخاصه به قائله بلاش نشاور طالما بتزعل ..ههه..ورايا
جاسر وهو يسير ورائها لا سميه انا هبتدى اخاڤ بجد وبعدين انتى معندكيش اخوات صبيان ولا ايه
ضحكت سميه عاليا تؤتؤ يا بيبى مش عندى ..جذبته وهى تغمز له ...
بعد وقت ليس بطويل ..
سميه مبسوط منى
جاسر مممم مبسوط ومش مبسوط
سميه وقد اهتمت بكلامه فاعتدلت ليه طيب
جاسر لازم يكون عندك ثقه فيا يا سميه وقبلها يكون عندك ثقه فى نفسك
سميه وقد تصنعت عدم الفهم مش فاهمه
جاسر بمكر وهو يمسك بيده المنامن التى كانت ترتديها منذ قليل انتى من امتى بتحبى النوعيه دى
سميه عادى يا جاسر تغيير
جاسر ممم انتى عارفه ان نهى كانت بتعمل اللى اكتر من كده ومع ذلك اتجوزتك
سميه بجديه متكلمنيش فى تفاصيل علاقتك مع نهى لو سمحت يا جاسر
جاسر مش بكلمك فى تفاصيل انا بوضحلك انى راجل مش عيل صغير اى واحده تضحك عليا ولا راجل اللي الحاجات دى هى اللى بتحركنى عشان ابص لاى حد
سميه يعنى الحق عليا انى مش عاوزاك تحس انى اقل من حد
جاسر لا يا ستى تشكرى بس عاوزك تطمنى ليا يا سميه
صمتت سميه فأكمل سميه انا اما حبيتك حبيتك لشخصيتك وطبعك..منكرش انى راجل وڠصب عنى ربنا وضع فيا ميل للستات زى اى راجل بس ربنا كمان من فضله ادانى عقل اقدر انظم بيه الامر ده وأنا لو هجرى ورا اى ديل فستان اكون حيوان ..
وضعت سميه يدها على فمه قائله اوعى تقول كده انت سيد الرجال
جاسر وهو يمسك يدها بس انتى كده احلويتى
سميه طووول عمرى يا جسورتى
جاسر ههه يا قلب جسورتك
فى شقة مراد تجلس حلا تشرب سيجارتها ..
يخرج مراد من الحمام يلف المنشفه حول عنقه وتتأمله حلا ..
مراد حلو انا صح
تأملته حلا فقد كان مراد فعلا
