اقتباس من اسر ورنا
انت في الصفحة 1 من صفحتين
اقتباس من البارت 20 🔥🔥
لان البارت 20 طويل قسمته نصين حبيت احطلكم جزء صغنن منه دلوقت و الباقي بالليل ...
رغد : مروان فيه يا آسر ؟؟؟
آسر بسخرية : آسر حاف كدة !! هي اللي بتكلمني دلوقت سيادة قاضي التحقيق رغد ولا اختي الصغيرة ؟
- ارجوك ما تردش على سؤالي بسؤال...بقولك مروان فين ؟
آسر ببرود :
و انا هعرف منين ألاه !! هو انا كنت الدادة بتاعته !! 🙄
رغد بضيق- بلاش تلف و تدور يا آبيه آسر ...انا متأكدة انك ورا الموضوع ده .! انا صحيح كنت في صدمة بس سمعت صاحبك خالد و هو بيقول لبابا أنه مش هيفلت منكم...و كمان لاحظت انك كنت غايب طول اليوم ده...
- أبيه آسررر!! انت عارف ان ابوه عنده اتصالات كثير و يقدر يعرف مكانه حتى لو في آخر الدنيا ان شاء الله في جزيرة نائية ...مادام مش لاقيينه لحد دلوقت يبقى ده ملوش غير تفسير واحد !!
- تكونيش بتتهميني پتهمة قتل يا بت انتي !!؟
رغد بضيق - أبيه انا عايزة اعرف الحقيقة بس ...انت عارف ان فيه قانون و احنا مش ف غابة ...
-اااه قلتيلي !! و القانون بتاعكم ده هو اللي خلاه يتمادى اكثر ... طبعا !! مادام بيطلع بكفالة رغم كل البلاوي الزرقة اللي بيعملها !
بقلمي آلاء إسماعيل البشري
تنهد آسر ثم امسك وجهها بحنو: حبيبتي رغد انتي نسيتي ان انا اللي مربيكي على القيم و المباديء و معلمك الصح من الغلط و الحلال من الحړام؟؟ معقولة تشكي فيا بعد كل ده ؟؟
رغد بقلق - عارفة و هو ده اللي مجنني !! معقولة ابيه آسر قدوتي في الحياة اللي عمره ما شرب سجاير حتى ممكن يعمل حاجة فظيعة زي دي!؟ على فكرة انا مش خاېفة عليه هو انا خاېفة عليك. انت ...ابوه ايده طايلة لو حصل لابنه حاجة يودوك ورا الشمس دول حيتان مفيش قانون يحكمهم
كان سيتكلم لولا ان رأى معاذ يخرج من المنزل
- بصي يا حبيبتي احنا طالعين دلوقت. اخوكي نفسيته تعبانة و محتاج اخرجه من اللي هو فيه هنتكلم في الموضوع ده بعدين
- امتى ؟؟
- في الوقت المناسب ...و عشان خاطر قلبك يرتاح بس انا أوعدك اني هقولك على كل حاجة بس مش هنا ...ماشي ؟؟
رغد بعدم رضا- ماشي .
أخذ آسر معاذ و انطلقا الى الشركة
في الكفتيريا
تجلس وئام على طاولة ترتشف كوب القهوة بمرارة و تمسك في يدها هاتفها تتصفح حسابه على الفيسبوك
- من فضلك يا آنسة !
افاقت وئام من شرودها على وقع الصوت
وئام- افندم !!
- حضرتك آنسة وئام مش كدة ؟
وئام بدهشة - ايوة حضرتك مين ؟ و تعرفيني منين؟
- انا مدام رنا ممكن اخذ من وقتك شوية؟ هاجاوبك على كل حاجة
